სამხრეთ კორეის სამართალდამცავები დო კვონს სერბეთში ეძებენ

სამხრეთ კორეის სამართალდამცავები დო კვონს სერბეთში ეძებენ

მედიის ცნობით, სამხრეთ კორეის სამართალდამცავი ორგანოების წარმომადგენლები Terraform Labs-ის აღმასრულებელი დირექტორის მოსაძებნად სერბეთში გაემგზავრნენ და მის ექსტრადიციაში დახმარებისთვის  ქვეყნის მთავრობას სთხოვეს.

საგამოძიებო ორგანოს მონაცემებით, 2022 წლის სექტემბერში დო კვონზე დაპატიმრების ორდერის გაცემისთანავე, ის სინგაპურიდან დუბაიში გაიქცა, შემდეგ კი სერბეთში გადავიდა, სადაც, როგორც ვარაუდობენ, ამ დრომდე იმყოფება.

ამის შესახებ ინფორმაცია მანამდე Chosun Media-ს სამხრეთ კორეულმა გამოცემამ გაავრცელა.

ის, რომ კვონი სერბეთში იმყოფება გამოცემამ ხელისუფლების უცნობ წარმომადგენელზე დაყრდნობით დაადასტურა.

ერთ-ერთი მიზეზი, რის გამოც Terraform Labs-ის აღმასრულებელმა დირექტორმა ეს ქვეყანა აირჩია, შესაძლოა ის გარემოება ყოფილიყო, რომ  სერბეთსა და სამხრეთ კორეას შორის  ექსტრადიციის შესახებ შეთანხმება არ ყოფილა.

სეულის პროკურატურამ და სამხრეთ კორეის იუსტიციის სამინისტრომ ამის  შესახებ კომენტარის გაკეთებაზე უარი განაცხადეს.

თუმცა, მედიის ცნობით, სამუშაო ჯგუფში ორივე დეპარტამენტის წარმომადგენლები შედიოდნენ.

გარდა ამისა, ხელისუფლებამ გამოძიებაში დახმარებისთვის Terraform Labs-ის ყოფილ თანამშრომლებს მიმართა.

ის, რომ დო კვონი დანაშაულს არ აღიარებს, მან არაერთხელ განაცხადა.

მისი თქმით, ის არ ემალება სამართალდამცავ ორგანოებს ზად არის კრიპტოვალუტის ბაზარზე დაბრუნდეს.

მან ქსელის აღდგენა Terra 2.0-ის მეშვეობით სცადა, რომელიც უსაფრთხოების ახალ პრინციპებზეა აგებული.

Terra-ს პროტოკოლის მეორე ვერსიაში დაუცველობისა და პოტენციური საფრთხეების გამოსავლენად გასული წლის დეკემბერში SCV-ს 500 მილიონი დოლარის გრანტი გადაეცა.