ბიტკოინის ქსელში NFT კაპიტალიზაცია 2025-ისთვის 4,5 მილიარდს მიაღწევს

ბიტკოინის ქსელში NFT კაპიტალიზაცია 2025-ისთვის  4,5 მილიარდს მიაღწევს

პროტოკოლი Ordinals, რომელიც  Bitcoin-ის ქსელში NFT-ს შექმნის შესაძლებლობას იძლევა, მიმდინარე წლის იანვარში ამოქმედდა.

Galaxy Digital-ის ანალიტიკოსების თქმით, 2025 წლისთვის ბიტკოინის ქსელზე დაფუძნებული NFT-ს კაპიტალიზაცია 4,5 მილიარდ დოლარს მიაღწევს.

დღევანდელი მდგომარეობით, Ordinals-ის მეშვეობით 250000-ზე მეტი NFT შეიქმნა. ანალიტიკოსების აზრით, ამ პროექტის წყალობით ბიტკოინის ეკოსისტემისთვის ახალი შესაძლებლობები გაჩნდა.

NFT-ის მიმართ მომხმარებელთა ინტერესი ბრუნდება. მიმდინარე წლის თებერვალში შეუცვლელი ტოკენებით  ვაჭრობის მოცულობა 117%-ით გაიზარდა და 2 მილიარდ დოლარს გადააჭარბა.

Ordinals მომხმარებლებს სხვადასხვა მონაცემების კოდირების საშუალებას აძლევს, მაგალითად, სურათების, PDF, აუდიო და ვიდეო ფაილების, რომლებიც როგორც ცალკეული სატოში 0,00000001 BTC-ს შეადგენს.

Galaxy Digital-ის ანალიტიკოსებს მიაჩნიათ, რომ NFT-ს Bitcoin-ის ქსელში დიდი პოტენციალი აქვს, ხოლო 2025 წლისთვის კი მათი კაპიტალიზაცია 4,5 მილიარდ დოლარს მიაღწევს.

„მიუხედავად იმისა, რომ  Satoshi- სა და ნამდვილ NFT- ს კოდირებას შორის შესამჩნევი განსხვავებებია, მართებული იქნება ითქვას, რომ ბიტკოინის ქსელში NFT- სთვის საკუთარი   ონჩეინ ეკოსისტემა გაჩნდა. რომლის გამოყენებაც სულ უფრო სწრაფად იზრდება.“ – წერენ ანალიტიკოსები.

მოხსენებაში მათ ბიტკოინის ეკოსისტემაში NFT-ს განვითარების სამი შესაძლო გზა წარმოადგინეს : ძირითადი, უარყოფითი და პოზიტიური.

კაპიტალიზაციის მასშტაბების 4,5 მილიარდი აშშ დოლარით ზრდას ანალიტიკოსები ძირითადი სცენარის შემთხვევაში წინასწარმეტყველებენ.

უარყოფითი სცენარი იმ შემთხვევაში განვითარდება, თუ ბიტკოინის ქსელში 2025 წლისთვის NFT-ს მასობრივი მიღება არ მოხდება. მაშინ კაპიტალიზაცია მხოლოდ 1,5 მილიარდ აშშ დოლარს მიაღწევს.

პოზიტიური სცენარის შემთხვევაში  კი  Bitcoin-ის ქსელში NFT მასობრივი ფენომენი გახდება, ხოლო მისი კაპიტალიზაცია 10 მილიარდ დოლარს მიაღწევს.