არ წამოიწყოთ სტარტაპი აშშ-ში

არ წამოიწყოთ სტარტაპი აშშ-ში

Ripple-ის აღმასრულებელმა დირექტორმა ბრედ გარლინგჰაუსმა მარეგულირებლების მხრიდან შევიწროვების თავიდან ასაცილებლად, კრიპტოვალუტის სტარტაპებს ურჩია აშშ-ში ბიზნესი არ დაიწყონ.

Dubai Fintech Week-ის კონფერენციაზე გამოსვლისას, გარლინგჰაუსმა განაცხადა, რომ Ripple-ის საქმიანობის გაფართოებას დუბაიში აპირებს და პირობა დადო,

რომ ნოემბერში შემდეგი კონფერენცია იქ გაიმართება.

გარლინგჰაუსის თქმით, კომპანიის თანამშრომლების უმეტესობა ლონდონში, სინგაპურსა და დუბაიში, შეერთებული შტატების ფარგლებს გარეთ იმყოფება,

რადგან ამ ქალაქებში უახლესი ტექნოლოგიების განვითარებისთვის პირობებია შექმნილი.

გარლინგჰაუსმა შემთხვევით ისარგებლა და  კომენტარი გააკეთა აშშ-ს ფასიანი ქაღალდებისა და ბირჟების კომისიის (SEC) სარჩელზე,

რომლის მიხედვითაც  XRP დაურეგისტრირებელი ფასიანი ქაღალდს წარმოადგენს, ამიტომ მონეტა SEC-ის იურისდიქციაში უნდა მოხვდეს.

Ripple-ის ხელმძღვანელს მიაჩნია, რომ კომპანიასთან სასამართლო დავა პოლიტიკურად არის მოტივირებული: SEC-ის თავმჯდომარე გარი გენსლერი (Gary Gensler) კრიპტო სივრცეზე თავისი უფლებამოსილების გავრცელებას ცდილობს.

გარლინგჰაუსმა  გენსლერის 2018 წლის ვიდეო გაიხსენა, რომელშიც ის მასაჩუსეცის ტექნოლოგიური ინსტიტუტის პროფესორის სტატუსით სტუდენტებს ეუბნება, რომ კრიპტოვალუტების მესამედზე მეტი საქონლად ითვლება.

„რაც ახლა აშშ-ში ხდება სამწუხაროა. ქვეყანა პოლიტიკას რეგულაციებზე წინ აყენებს და ეს არ არის კარგი გადაწყვეტილება.

შეერთებული შტატები გარკვეულწილად ჩაკეტილია. ჩვენ დავხარჯეთ დაახლოებით 200 მილიონი დოლარი სასამართლო პროცესზე, რომელიც ხალხს თავიდანვე სისულელედ მიაჩნდა.

პირველი რჩევა, რომელსაც მე მივცემდი ნებისმიერ კრიპტო მეწარმეს, არის ის, რომ არ დაიწყონ ბიზნესი აშშ-ში.“ – თქვა გარლინგჰაუსმა.

მან დასძინა, რომ კრიპტოვალუტების რეგულირება სხვადასხვა გზითაა შესაძლებელი, მაგრამ ეს ციფრული აქტივების მკაფიო განმარტებებს მოითხოვს რომლებიც ახლა SEC-ის თავმჯდომარესაც კი არ გააჩნია.

ადრე გენსლერი კრიპტოვალუტებს ფასიან ქაღალდებად არ თვლიდა, ახლა კი იგივეს აღარ იტყვის, აღნიშნავს გარლინგჰაუსი.

მანამდე, Ripple-ის აღმასრულებელმა დირექტორმა სინანული გამოთქვა, რომ აშშ-ს მარეგულირებლები ინდუსტრიის რეგულირების წესების შემუშავებას ეწინააღმდეგებიან და მოძველებული წესების გამოყენებას ამჯობინებენ .