ტერორიზმის კრიპტო დაფინანსებასთან ბრძოლა კონგრესის მთავარი პრიორიტეტი იქნება

ტერორიზმის კრიპტო დაფინანსებასთან ბრძოლა კონგრესის მთავარი პრიორიტეტი იქნება

ტერორისტული დაჯგუფება ჰამასის კრიპტოვალუტით დაფინანსების წყაროების გამოვლენამ ამერიკელ სენატორს ახალი სტიმული მისცა კანონპროექტის ლობირებისთვის, რომელიც კრიპტო ინდუსტრიაში ფულის გათეთრების წინააღმდეგ საბრძოლველად ახალ წესებს დაადგენს.

ამერიკელმა სენატორმა ელიზაბეტ უორენმა (Elizabeth Warren), რომელიც დიდი ხანია კრიპტოვალუტის სფეროს რეგულირების გამკაცრების მომხრეა განაცხადა, რომ კრიპტოვალუტით დაფინანსებული ტერორიზმის საშიშროება რეალურია, რის გამოც ამ საკითხის გადაწყვეტა აშშ-ს კონგრესის გადაუდებელ პრიორიტეტს უნდა წარმოადგენდეს.

სენატორის ცნობით, ჰამასთან დაკავშირებულ ციფრულ საფულეებში 2021 წლიდან 134 მილიონ დოლარზე მეტი შემოვიდა.

უორენის განცხადებით, ის აპირებს დააჩქაროს იმ კანონების მიღება, რომლებიც ციფრული აქტივების გამოყენებით ფულის გათეთრებასა და ტერორიზმის დაფინანსებას შეუძლებელს გახდის.

კანონპროექტი როგორც ტრადიციული კრედიტორებისთვის, ისე ციფრული ბაზრის მონაწილებისთვის ფინანსური დანაშაულის მცნებას აფართოებს.
ელიზაბეტ უორენის პოზიციას კონგრესის სხვა წევრებიც იზიარებენ . მაგალითად, კრიპტო ინდუსტრიის ერთ-ერთი ყველაზე მწვავე კრიტიკოსი, სენატის საბანკო კომიტეტის თავმჯდომარე შეროდ ბრაუნი (Sherrod Brown).

უორენის განცხადებებს აშშ-ს მსხვილი კრიპტო კომპანიების წარმომადგენლების მხრიდან უკიდურესად უარყოფითი გამოხმაურება მოყვა.

კრიპტო ბირჟა Coinbase-ის ინოვაციების საბჭოს აღმასრულებელმა დირექტორმა შეილა უორენმა X-ზე (ყოფილი Twitter) დაწერა, რომ სიბრაზისა და ზიზღის განცდა ეუფლება, როცა ხედავს თუ როგორ იყენებენ ვაშინგტონში კრიპტოვალუტის მოწინააღმდეგეები მთელი მსოფლიოსთვის ტრაგიკულ მომენტს საკუთარი პოლიტიკური ამბიციების დასაკმაყოფილებლად.