FixedFloat-იდან 409 ბიტკოინი და 1728 ეთერიუმი მოიპარეს
კრიპტოვალუტის დეცენტრალიზებულმა ბირჟამ FixFloat დაადასტურა უსაფრთხოებასთან დაკავშირებული სერიოზული პრობლემების არსებობა, რომელთა შედეგად პლატფორმას მინიმუმ 26 მილიონი დოლარის ღირებულების ზარალი მიადგა.
პლატფორმის მომხმარებლებმა გაყინული ტრანზაქციებისა და დაკარგული თანხების შესახებ შეშფოთება ჯერ კიდევ შაბათს, 17 თებერვალს გამოთქვეს. 18 თებერვალს ბირჟიდან 21 მილიონი დოლარის ღირებულების 400 BTC და 5 მილიონი დოლარის ღირებულების 1700 ETH გაქრა.
თავდაპირველად, კრიპტო ბირჟის წარმომადგენლებმა შექმნილი სიტუაცია „უმნიშვნელო ტექნიკური ხარვეზით“ ახსნეს და მომხმარებელთა მომსახურება დაუყოვნებლივ შეაჩერეს. თუმცა, რამდენიმე საათში, მას შემდეგ, რაც ბირჟაზე შესაძლო თავდასხმის შესახებ ცნობები სოციალურ ქსელ X-ში გამოჩნდა, FixFloat-ის გუნდმა ჰაკინგი აღიარა.
„ჩვენ ვადასტურებთ, რომ ჰაკინგი რეალურად მოხდა და თანხები მოიპარეს. ჯერ კიდევ არ ვართ მზად ამ საკითხზე საჯარო კომენტარი გავაკეთოთ, რადგან პოტენციური ხარვეზის აღმოსაფხვრელად და უსაფრთხოების გასაუმჯობესებლად ვმუშაობთ და მომხდარს ვიძიებთ. ჩვენი სერვისი მალე აღდგება. საქმის დეტალებს მოგვიანებით გაგაცნობთ.“ – განაცხადა FixFloat-მა.
საყურადღებოა, რომ პლატფორმა ავტომატურია და მომხმარებლის რეგისტრაციას ან Know Your Client (KYC) პროცედურებს არ საჭიროებს. ამ მიზეზით, FixedFloat-ს ფინანსური წყაროების დასაფარად ჰაკერები და თაღლითები ხშირად იყენებენ.
PeckShield-ის თანახმად, 2023 წლის ივნისში ჰაკერებმა თითქმის 93 მილიონი დოლარი მოიპარეს და ამ თანხების ნაწილის გატანა სწორედ პლატფორმა FixFloat-ის მეშვეობით განხორციელდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)