📝 ჩვენ შესახებ / ჩვენი ისტორია

CryptoNews.Ge დაიწყო როგორც იდეა, რომელიც 2017 წელს მე და ჩემს ძმას, შალვა ქობალიას გაგვიჩნდა. მალევე, 2018 წლის თებერვალში, ეს იდეა რეალობად ვაქციეთ და შევქმენით პირველი ქართული კრიპტო მედია პლატფორმა.
ჩემთვის ეს ბევრად მეტი აღმოჩნდა, ვიდრე უბრალოდ ვებგვერდი — CryptoNews.Ge გახდა საქმე, რომელმაც მომცა მიზანი და მოტივაცია — ის, რისთვისაც ყოველდღე ვშრომობ და ვიბრძვი
იდეა მარტივი იყო, მაგრამ ძალზე მნიშვნელოვანი:
ქართული აუდიტორიისთვის პროფესიონალურად და მარტივად მიგვეწოდებინა ინფორმაცია კრიპტოვალუტებისა და ბლოკჩეინის შესახებ — სიახლეები და ანალიზი დაინტერესებული პირებისთვის.
მას შემდეგ დღემდე ყოველდღიურად ვაგროვებთ და ვაზიარებთ მხოლოდ სანდო, მნიშვნელოვან ინფორმაციას გლობალური კრიპტოინდუსტრიიდან — ქართულ ენაზე, მარტივად წასაკითხ ფორმატში.
დღესაც იმავე მოტივაციითა და მიზანდასახულობით ვაგრძელებთ საქმიანობას — გვინდა, ქართულ აუდიტორიას მარტივად და დროულად მივაწოდოთ კრიპტოსამყაროს ყველაზე მნიშვნელოვანი ამბები ქართულ ენაზე.

🌐 ჩვენი მისია
დღეს CryptoNews.Ge არის პლატფორმა, რომელიც:
აერთიანებს სიახლეებს, ანალიტიკასა და საგანმანათლებლო მასალებს;

ქართულ აუდიტორიას აწვდის საჭირო ინფორმაციას სწრაფად ცვალებადი ინდუსტრიის შესახებ;

წარმოადგენს კრიპტოინდუსტრიის ერთგვარ სავიზიტო ბარათს საქართველოში.

ჩვენი მიზანია, ვიყოთ სანდო და დამოუკიდებელი წყარო, რომელიც დაგეხმარებათ სწორი გადაწყვეტილებების მიღებაში.
პირველივე დღიდანვე თავად ვაგროვებდით ინფორმაციას, ვამოწმებდით და ვთარგმნიდით — ეს არის ის გზა, რომელიც დღემდე გრძელდება.

🚀 CryptoNews.Ge— მეტი, ვიდრე საიტი
CryptoNews.ge არის პლატფორმა ყველასთვის, ვისაც აინტერესებს კრიპტო, სჯერა ტექნოლოგიების და მზად არის ცვლილებებისთვის.

დიახ, ვარ შშმპირი ეტლით მოსარგებლე და ხშირად მიჩნდება სურვილი, გავიმეორო უკვე ტრაფარეტულად ქცეული ფრაზა — „შეზღუდული შესაძლებლობები არ არსებობს“.
მაგრამ გულწრფელად რომ გითხრათ — ეს ასე არ არის და რეალობა უფრო რთულია: 
არსებობს გამოწვევები, დაბრკოლებები, არაერთი შეზღუდვა და რთული გზები, რომლებიც ყოველდღიურად გვიდგას წინ.
თუმცა არსებობს კიდევ რაღაც — და ამაში ყოველდღიურად ვრწმუნდები:
ყველაზე მნიშვნელოვანი არის ერთმანეთის მხარდაჭერა.
მხოლოდ თანადგომით, თანაგრძნობითა და თანამშრომლობით შეგვიძლია, ჩვენი შეზღუდვების შესაძლებლობებად გარდავქმნა.

🤝 ჩვენ თქვენი მხარდაჭერა გვჭირდება!
თქვენი მხარდაჭერით ჩვენ შევძლებთ:
💡 ახალი იდეებისა და ინოვაციური ფუნქციების დანერგვას
🇬🇪 ქართული ორიგინალური კონტენტის განვითარებასა და გაძლიერებას
🎥 ვიდეოგადაცემების, ტრენინგებისა და AMA სესიების დაწყებას
📘 განათლებაზე და ცოდნის გაზიარებაზე ორიენტირებული პლატფორმის შექმნას
🌍 საიტის ფუნქციონალური გაუმჯობესება და ხელმისაწვდომობის გაზრდას ყველასთვის, ვინც დაინტერესებულია კრიპტოს სამყაროთი
🔒 ტექნიკური განვითარებისა და უსაფრთხოების გაუმჯობესებას

✨ თითოეული მხარდაჭერა — იქნება ეს დონაცია, რეკლამა,პარტნიორობა ან გაზიარება —გვაძლევს შესაძლებლობას, რომ CryptoNews.Ge იყოს ადგილი,
სადაც ცოდნა, ინოვაცია და ქართული საზოგადოება ერთიანდება.

თქვენი მხარდაჭერა ჩვენთვის ნიშნავს შესაძლებლობას, გავაგრძელოთ ის, რაც სიყვარულით და დიდი მონდომებით დავიწყეთ.
დიდი მადლობა ყველას, ვინც ჩვენ გვერდით ხართ ამ პროცესში.

თქვენი მხარდაჭერით, ჩვენ ვქმნით მომავალს CryptoNews.Ge ზე

გიორგი ქობალია
თანადამფუძნებელი | CryptoNews.Ge