ADA-ს შეუძლია მსოფლიო სარეზერვო ვალუტა გახდეს

ADA-ს შეუძლია მსოფლიო სარეზერვო ვალუტა გახდეს

Cardano-ს დამფუძნებელის ჩარლზ ჰოსკინსონის აზრით,  BTC  მსოფლიო სარეზერვო ვალუტა მაინინგის ჭარბი ენერგომოხმარების გამო ვერ გახდება. მისი კრიპტოვალუტა ADA კი ამ როლისთვის  შესაფერისია.

ბოლო ინტერვიუში ჩარლზ ჰოსკინსონმა (Charles Hoskinson) განაცხადა, რომ გრძელვადიან პერსპექტივაშიც კი, ბიტკოინი  აშშ დოლარს ეკოსისტემაში არსებული სხვადასხვა ხარვეზებისა და ინდუსტრიის მიმდინარე სტანდარტებთან შეუსაბამობის გამო ვერ ჩაანაცვლებს.

ჰოსკინსონი არ გამორიცხავს, ​​რომ მსოფლიოს სარეზერვო ვალუტა შესაძლოა ADA გახდეს.

მიუხედავად იმისა, რომ გასული წლის შემოდგომაზე ის საპირისპიროს ამტკიცებდა და ამბობდა, რომ ვალუტა ერთდროულად გაცვლის, გადახდისა და დაგროვების საშუალება უნდა იყოს, რაც მისი თქმით ADA-ს არ გააჩნია. 

ჰოსკინსონმა განმარტა, რომ ჰარდფორკ Alonzo-ს გააქტიურებამ Cardano-ს ქსელში ჭკვიანი კონტრაქტების გამოყენების შესაძლებლობა აამოქმედა, რამაც  ADA-ს ღირებულება გაზარდა.

კრიპტოვალუტის სივრცეში BTC-ის პირველობის მიუხედავად, ბიტკოინის ქსელის ენერგო ინტენსივობა მას უფრო ცენტრალიზებულს გახდის, თქვა ჰოსკინსონმა.

მან გაკვირვება გამოხატა იმის თაობაზე, თუ რატომ უნდა იყოს ბიტკოინის მაინინგი ენერგო ინტენსიური, როდესაც უფრო ეფექტური ალტერნატივები არსებობს.

ჰოსკინსონს ასევე ეჭვი ეპარება, შეუძლია თუ არა ბიტკოინის მაინინგის მაღალმა ღირებულებამ მის დეფიციტს  შეუწყოს ხელი,  

რადგან აქტივის ღირებულების განმსაზღვრელი მთავარი ფაქტორი მისი მონეტარული პოლიტიკა და სარგებლიანობა უნდა იყოს.

„წარმოიდგინეთ, რომ ყიდით ნახატებს, რომელთაგან ერთი ხელით უნდა დახატოთ, მეორე კი მანქანით.

ორივე ერთნაირად გამოიყურება და მოთხოვნადია. გამოდის, რომ თქვენ უბრალოდ ათასჯერ მეტ ძალისხმევას ხარჯავთ ერთ სამუშაოზე, ვიდრე მეორეზე. იგივე ხდება ბიტკოინთან დაკავშირებითაც.“- თქვა ჰოსკინსონმა. 

Cardano-ს დამფუძნებელი, გასაგები მიზეზების გამო, ბიტკოინს ხშირად აკრიტიკებს, მაგრამ მიიჩნევს, რომ ამ ქსელს განვითარების მიმართულება აქვს.

მისი აზრით, ბიტკოინს ჭკვიანი კონტრაქტებისა და მეტამონაცემების სტანდარტების გამოყენება შეუძლია.

ეს მას საშუალებას მისცემს წამში მეტი ტრანზაქციის დამუშავებით უფრო მაღალ გამტარუნარიანობას მიაღწიოს.

დეკემბერში ჰოსკინსონმა DeFi-ის პროექტებზე  ჰაკერების მრავალრიცხოვანი თავდასხმების გამო დეცენტრალიზებული ფინანსური ინდუსტრია გააკრიტიკა. ამასთან ის დიდ პოტენციალს ხედავს მეტასამყაროში, რომელიც შეიძლება მჭიდროდ იყოს დაკავშირებული NFT-ებთან.

წყარო: https://bits.media/