ოკუპირებული აფხაზეთის ტერიტორიაზე ადგილობრივმა პოლიციამ რეიდი ჩაატარა მაინინგ ფერმების გამოსავლენად, რომლებიც ელექტროენერგიას უკანონოდ მოიხმარენ. გამორთულ იქნა მოწყობილობები 25 მეგავატი საერთო სიმძლავრით.
გაგრასა და გაგრის რაიონში 10 მეგავატი საერთო სიმძლავრის 17 ფერმა დაიხურა. რეიდები ბზიფის ხეობაში, ყოფილი სპირტის ქარხნის ტერიტორიაზე, ქვის გადამამუშავებელი ქარხნის ტერიტორიაზე, „კონტი ოპტის“ ბაზაზე, სოფელ ალახაძსა და ასევე საცხოვრებელ სექტორში ჩატარდა.
კიდევ 10 ფერმა სიმძლავრით 10 მეგავატამდე გამორთულ იქნა გულრიფშის რაიონის სოფლებში: მერხეული, ბაღმარანი, ბაბუშარა, დრანდა და ვარჩა. ოჩამჩირის რაიონში 2 მეგავატამდე საერთო სიმძლავრის კრიპტოვალუტის გამომამუშავებელი 1000-მდე მოწყობილობა გამორთეს.
უკანონო მაინინგის ფერმების გამოსავლენად რეიდების ჩატარების გარდა, დე ფაქტო რესპუბლიკის პოლიციამ ასევე განახორციელა ადრე დახურული ობიექტების კონტროლიც ტყვარჩელისა და გუდაუთის რაიონებში.
რეიდები ჩატარდა აფხაზეთის დე ფაქტო რესპუბლიკის შინაგან საქმეთა სამინისტროს პირადი შემადგენლობის ტერიტორიული ქვედანაყოფების ძალების, პროკურატურის წარმომადგენლების, სახელმწიფო უსაფრთხოების სამსახურის, რაიონული ადმინისტრაციების წარმომადგენლებისა და „ჩერნომორენერგოს“ ფილიალების სპეციალისტების მიერ.
შეგახსენებთ, რომ 2020 წლის დეკემბრის დასაწყისში ოკუპირებულ აფხაზეთში მიღებულ იქნა დადგენილება მაინინგის აკრძალვის შესახებ 2021 წლის პირველ ივნისამდე. თუმცა, ბევრმა მაინერმა იატაკქვეშეთში განაგრძო საქმიანობა, რის გამოც დეფაქტო რესპუბლიკის მთავრობა პერიოდულად ატარებს რეიდებს ფერმების გამოსავლენად. 2020 წლის დეკემბერში რეიდების შედეგად გამორთულ იქნა 7 000-მდე ASIC მაინერი.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)