ახლა კრიპტოვალუტის ყიდვას აზრი არ აქვს Twitter

ახლა კრიპტოვალუტის ყიდვას აზრი არ აქვს Twitter

Twitter-ის ფინანსური დირექტორი ნედ სეგალი მიიჩნევს, რომ ახლა ბიტკოინში და სხვა კრიპტოვალუტებში ინვესტიცია აზრს მოკლებულია და უფრო მიზანშეწონილია ფასიანი ქაღალდების შეძენა.

Wall Street Journal-თან საუბარში ნედ სეგალმა(Ned Segal) განაცხადა, რომ უახლოეს მომავალში Twitter ბიტკოინის ყიდვას არ აპირებს,

წინააღმდეგ შემთხვევაში სოციალურ ქსელს მთელი საინვესტიციო პოლიტიკის გადახედვა მოუწევს.

მისივე თქმით, Twitter უპირატესობას ნაკლებად ვოლატილურ აქტივებს ანიჭებს, ისეთებს, როგორიცაა ფასიანი ქაღალდები. 

მიმდინარე წლის სექტემბრის ბოლოსთვის Twitter-ს 3,47 მილიარდი დოლარის ნაღდი ფული და ფულადი ეკვივალენტი ჰქონდა, მაშინ როცა გასული წლის იმავე პერიოდში ეს თანხა 1,99 მილიარდი დოლარი იყო. Twitter-ის მოკლევადიანმა ინვესტიციმ 3,94 მილიარდი დოლარი შეადგინა.

იმის მიზეზად, თუ რატომ არ ახდენს Twitter კრიპტო აქტივებში ინვესტირებას სეგალმა არასტაბილურობა და ციფრული აქტივების ინდუსტრიის მარეგულირებელი სპეციფიკური წესების არარსებობა დაასახელა.

ბოლო თვეებში, აშშ-ს მთავრობას კრიპტოვალუტის მარეგულირებელი ბაზის შემუშავებისკენ ბევრმა კომპანიამ მოუწოდა.

ცოტა ხნის წინ, OKEx-ის ფინანსური ბაზრების დირექტორმა, ლენიქს ლაიმ (Lennix Lai) განაცხადა, რომ რეგულაცია კრიპტოაქტივების, კერძოდ კი DeFi-ს განვითარებას ჩაუყრის საფუძველს.

იგივეს ფიქრობს კრიპტოვალუტის ბირჟა Binance-ის აღმასრულებელი დირექტორი ჩანგპენგ ჯაოც (Changpeng Zhao).

ის ასევე მიიჩნევს, რომ ციფრული აქტივები  სახელმწიფო კონტროლის გარეშე სრულყოფილად ვერ განვითარდება.

მარეგულირებლების მთავარი ამოცანა მომხმარებლების ინტერესების დაცვასა და მათი რისკების შემცირებაში გამოიხატება, აცხადებს ჯაო.

თუმცა, კრიპტოვალუტის ბაზრის რეგულირების გაურკვევლობა არ აშინებს გადახდების კომპანია Square-ს, რომელსაც Twitter-ის დამფუძნებელი ჯეკ დორსი (Jack Dorsey) ხელმძღვანელობს.

Square-მა გასულ წელს 4709 BTC იყიდა. მისი ფინანსური დირექტორის, ამრიტა აჰუჯას (Amrita Ahuja) განცხადებით, გრძელვადიან პერსპექტივაში ბიტკოინს კომპანიისთვის დიდი ფინანსური სარგებლის მოუტანა შეუძლია.

კომპანია მასში დიდ პოტენციალს ხედავს და ბიტკოინის შეძენა ადასტურებს, რომ Square „თამაშში ჩაერთო“- დასძენს აჰუჯა.

ამავდროულად, სეგალმა აღნიშნა, რომ Twitter ბიტკოინის გამოყენების სხვადასხვა ვარიანტებს იკვლევს.

სექტემბერში სოციალურმა ქსელმა მომხმარებლებისთვის გადახდის შესაძლებლობების გაფართოებისთვის BTC tip სისტემა აამოქმედა.

მიუხედავად ამისა, ციფრულ აქტივებში ინვესტირების შესახებ სეგალის ბოლოდროინდელი ნეგატიური განცხადებები შესაძლოა კრიპტოვალუტის ბაზრის კორექტირების ერთ-ერთი მიზეზი იყოს. ბიტკოინი 58,574 დოლარამდე დაეცა და მას ძირითადი ალტკოინებიც მიჰყვნენ.

წყარო: https://bits.media