Amazon-ი ციფრული და განვითარებადი გადახდების პროექტებზე სამუშაოდ ინჟინრებსა და პროგრამული უზრუნველყოფის დეველოპერებს ეძებს. მექსიკის ფილიალის ვაკანსიაში ციფრული ვალუტის შემუშავება არის ნახსენები.
Amazon-ის მიერ გამოქვეყნებული ვაკანსიების თანახმად, კომპანია გეგმავს ციფრული და განვითარებადი პროექტების შემუშავებას. Amazon-ის ერთ-ერთი ვაკანსიის აღწერაში ნათქვამია:
„ეს პროდუქტი კლიენტებს თანხის ციფრულ ვალუტაში კონვერტირების შესაძლებლობას მისცემს, მათ საშუალება მიეცემათ ისარგებლონ ონლაინ სერვისებით, შეიძინონ ნივთები ან მომსახურება, მაგალითად Prime Video.“
Amazon Digital and Emerging Payments-ის განყოფილება აპირებს პროდუქტი ჯერ მექსიკაში გამოუშვას. მეორე ვაკანსიის მიხედვით, ციფრული ვალუტის შემუშავების პროექტი განვითარებად ბაზრებზე არის ორიენტირებული. Amazon-ი დაინტერესებულია ინჟინერ-დეველოპერების დაქირავებით პროგრამული უზრუნველყოფის ყველა დონეზე.
შეგახსენებთ, რომ 2013 წელს Amazon-ს უკვე ჰქონდა ციფრული მონეტა Amazon Coin, რომელიც Android-სა და Blackberry-ზე ციფრული კონტენტის შესაძენად გამოიყენებოდა. მაგრამ ეს არ იყო კრიპტოვალუტა, რადგან არ ჰქონდა კავშირი ბლოკჩეინთან.
გასულ წელს, Binance-ის აღმასრულებელმა დირექტორმა, ჩენპენ ჟაომ (Chanpeng Zhao) დარწმუნებით განაცხადა, რომ ადრე თუ გვიან Amazon-ი აუცილებლად გამოუშვებდა საკუთარ კრიპტოვალუტას, რომელსაც პროდუქციის შეძენა-გაყიდვისთვის იქნებოდა გამოყენებული.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)