Amazon-ი კრიპტოვალუტით გადახდის შემოღებას არ გეგმავს
Amazon-ის გენერალური დირექტორის განცხადებით, კომპანია ციფრული აქტივების შესაძლებლობებს სწავლობს, მაგრამ კრიპტოვალუტით გადახდის შემოღებას ჯერ არ აპირებს.
როს სორკისთან (Ross Sorki) ინტერვიუში ენდი ჯასიმ (Andy Jassy) განაცხადა, რომ უმსხვილესი ამერიკული ონლაინ სავაჭრო პლატფორმა უახლოეს მომავალში არ აპირებს მომხმარებელს შენაძენის ღირებულების გადახდა კრიპტოვალუტით შესთავაზოს.
ჯასიმ აღიარა, რომ ბიტკოინსა და შეუცვლელ ტოკენებში ინვესტიცია არასდროს განუხორციელებია.
ამასთან, ის კრიპტოვალუტებისა და NFT-ების მომავალს ინტერესით და ოპტიმიზმით უყურებს.
„მე თვითონ არ მაქვს ბიტკოინები. ჩვენ ალბათ არ ვართ ახლოს იმასთან, რომ ჩვენს საცალო ბიზნესში კრიპტოვალუტა, როგორც გადახდის მექანიზმი დავამატოთ. თუმცა მჯერა, რომ დროთა განმავლობაში თქვენ უფრო მეტ კრიპტოვალუტას ნახავთ.“
ჯასი მიიჩნევს, რომ შეუცვლელი ტოკენების ბაზარს კარგი პერსპექტივები აქვს:
„იცით, მე ველი, რომ NFT ბაზარი ზრდას ძალიან სწრაფად გააგრძელებს.“
Amazon-ის ხელმძღვანელის სიტყვებით, მას შეუძლია წარმოიდგინოს მომავალი, სადაც ელექტრონული კომერციის გიგანტი NFT-ს ყიდის.
რადგან შეუცვლელი ტოკენები რეალური პროდუქტების ციფრულ გამოსახულებებს წარმოადგენს, დაწყებული ვებსაიტის დომენიდან, დამთავრებული მუსიკისა და ციფრული ხელოვნების ნიმუშებით – რომელთა საკუთრების უფლებაც ბლოკჩეინზეა აღბეჭდილი.
„ ვფიქრობ, შესაძლოა მომავალში ჩვენს პლატფორმაზე NFT–ებით ვავაჭროთ.“
გასულ ზაფხულს, ელექტრონული კომერციის გიგანტმა პლატფორმიაზე კრიპტოვალუტით გადახდების შესაძლებლობის შესწავლა დაიწყო.
„ჩვენ შთაგონებულები ვართ კრიპტოვალუტის სივრცეში მომხდარი ინოვაციებით და ვიკვლევთ, თუ როგორ შეიძლება ეს Amazon-ზე განხორციელდეს“ – ნათქვამია კომპანიის განცხადებაში.
კომპანიაში სჯერათ, რომ მომავალი ახალ ტექნოლოგიებს ეფუძნება, რომლებიც თანამედროვე, სწრაფ და დაბალფასიან გადახდებს უზრუნველყოფენ და სურთ, რომ „ეს მომავალი მომხმარებლამდე რაც შეიძლება მალე მიიტანონ.“
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)