Amazon-ის AI აგენტები სტეიბლკოინებით გადახდებს ადამიანისგან დამოუკიდებლად განახორციელებენ
by Giorgi 
Amazon-ის AI აგენტები სტეიბლკოინებით გადახდებს ადამიანისგან დამოუკიდებლად განახორციელებენ
ხელოვნური ინტელექტის (AI) აგენტების შექმნაზე სპეციალიზირებულმა პლატფორმამ Amazon Bedrock AgentCore სერვისი AgentCore Payments აამოქმედა. სერვისი ვირტუალურ ასისტენტებს USDC სტეიბლკოინების საფულეების ავტონომიურად ფლობისა და ციფრული მომსახურების საფასურის ადამიანის ჩაურევლად გადახდის შესაძლებლობას აძლევს. პროექტის პარტნიორი უმსხვილესი ამერიკული კრიპტობირჟა Coinbase გახდა.
Amazon-ის განცხადებით, ხელოვნური ინტელექტის აგენტები მომხმარებლის მიერ დასახული ამოცანების შესრულებისას საჭირო რესურსების მოძიებას, შეფასებასა და დაფინანსებას თავად შეძლებენ. მომხმარებელს შეეძლება ბიუჯეტის წინასწარ განსაზღვრაც, თუმცა ვირტუალურ აგენტებს ექნებათ შესაძლებლობა მიიღონ წვდომა ფასიან კონტენტზე – წიგნებზე, ფილმებზე, ტრანსლაციებზე. გამოიყენონ ფასიანი API-ები და გარე ინფრასტრუქტურა. მართონ ტრანზაქციები ბლოკჩეინ-ანგარიშსწორების მექანიზმებით, დამოუკიდებლად იპოვონ სერვისები და შეათანხმონ გარიგების პირობები. ასევე გადაიხადონ სერვერების, ვებ-კონტენტისა და სხვა AI-აგენტებთან ურთიერთქმედების საფასური.
ამ ეტაპზე საუბარია სტეიბლკოინებით მიკროტრანზაქციებზე, თუმცა პერსპექტივაში Amazon სრულფასოვანი კომერციული ანგარიშსწორების დანერგვას გეგმავს : შესაძლოა, ხელოვნურმა ინტელექტმა მომხმარებლის სახელით დაჯავშნოს ავიაბილეთები, სასტუმროები ან შეიძინოს ნივთები სავაჭრო პლატფორმებზე.
პროცესი შემდეგნაირად არის მოწყობილი: დეველოპერები აგენტს საფულესთან ან საგადახდო სერვისთან აკავშირებენ. არეგისტრირებენ დაფინანსების წყაროს და ერთ სესიაზე ხარჯვის ლიმიტს აწესებენ.
AgentCore მონაცემთა ავთენტიფიკაციას მართავს.
როდესაც AI მუშაობისას ფასიან რესურსს აწყდება, Amazon-ის სერვისი პროტოკოლის შეთანხმებას თავად აგვარებს, საჭიროების შემთხვევაში მოთხოვნებს იმეორებს და აგენტის სამუშაო ციკლის შეფერხების გარეშე გადახდას შესაბამისი პროვაიდერის მეშვეობით ასრულებს.
საბროკერო ფირმა Bernstein-ის ანალიტიკოსების აზრით, კომპანიები Circle და Coinbase შესაძლოა ხელოვნური ინტელექტის მიერ განხორციელებული გადახდების მთავარი ბენეფიციარები გახდნენ, რადგან მსგავსი ოპერაციებისთვის ინფრასტრუქტურას სწორედ ისინი უზრუნველყოფენ.
სიახლეების გამოწერა
