ამერიკელი სენატორი კრიპტობირჟების მიმართ რეგულაციების გამკაცრებას მოითხოვს

დემოკრატმა სენატორმა მეგი ჰასანმა ფედერალურ უწყებებს კრიპტოაქტივების უკანონო გამოყენებასთან საბრძოლველად რეგულაციების გამკაცრება მოსთხოვა.

16 სექტემბერს მეგი ჰასანმა (Maggie Hassan) წერილი გაუგზავნა აშშ -ს რამდენიმე დეპარტამენტს, მათ შორის იუსტიციის დეპარტამენტს (DOJ), საშინაო უსაფრთხოების დეპარტამენტს (DHS), შიდა შემოსავლების სამსახურს (IRS), აშშ -ს ფასიანი ქაღალდების კომისიას (SEC), და შეერთებული შტატების ფინანსური დანაშაულებებთან ბრძოლის სამსახურს (FinCEN).

სენატორმა ბოროტმოქმედების მიერ კრიპტოვალუტების გამოყენებასთან დაკავშირებით შეშფოთება გამოხატა. მან მაგალითად მოიყვანა შემთხვევა, რომელიც ნიუ ჰემფშირის შტატის ქალაქ პიტერბოროში მოხდა – კიბერ თავდასხმის შედეგად
ბოროტმოქმედებმა 2.3 მილიონი დოლარის მითვისება და მათი კრიპტოვალუტებში კონვერტაცია შეძლეს.

„კრიპტოვალუტის ანონიმურობა კრიმინალებს მათი სხვადასხვა უკანონო საქმიანობისთვის გამოყენების საშუალებას აძლევს: დარკნეტის მეშვეობით ნარკოტიკების გაყიდვის, ჰაკერთა თავდასხმების, გადასახადებისგან თავის არიდების,ტერორიზმის დაფინანსების, დანაშაულებათა ორგანიზებისა და ფულის გათეთრების.“- ნათქვამია ჰასანის მიერ მარეგულირებელი ორგანოებისადმი მიმართვაში.

სენატორმა აღნიშნა, რომ მაშინაც კი, როცა ცენტრალიზებული კრიპტობირჟები ყველასთვის სავალდებულო პირის
იდენტიფიკაციის პროცედურას ახორციელებენ, KYC და AML წესები არ არის დაცული. რაც შეეხება დეცენტრალიზებულ ბირჟებს, ბევრი მათგანი KYC-ს საერთოდ არ იყენებს.

ამიტომ ჰასანმა კრიპტო ბირჟებისა და სხვა სავაჭრო პლატფორმების მიმართ მოთხოვნების გამკაცრების შესახებ განაცხადა.
ეს ხელს შეუწყობდა კრიპტო ინდუსტრიის გამჭვირვალობას როგორც შეერთებულ შტეტებში, ისე მთელს მსოფლიოში.
ასევე ხელს შეუშლიდა კრიპტოაქტივების უკანონო გამოყენებას და უახლეს ტექნოლოგიებს განვითარების საშუალებას მისცემდა.

ჰასანმა მარეგულირებლებს კონკრეტული კითხვებით მიმართა – რა უფლებამოსილება აქვთ მათ სავაჭრო პლატფორმების რეგულირებისთვის და შემდგომში რა ქმედებების განხორციელებისათვის არიან მზად. მან ასევე გააჟღერა შემოთავაზება კრიპტოვალუტის ფიატურ ფულში კონვერტაციისას დადგინდეს დამატებითი ლოდინის პერიოდი, რათა ამ ტრანზაქციების
რისკების შეფასება მოხდეს.

იანვარში სენატორმა კრიპტოვალუტების თემასთან დაკავშირებით ჯანეტ იელენთან (Janet Yellen) ისაუბრა, რომელიც იმ
დროს აშშ-ს ფინანსთა მინისტრის პოსტის კანდიდატი იყო. იელენმა კრიპტოვალუტებს საფრთხე და სამართალდამცავებისთვის “განსაკუთრებული პრობლემა“უწოდა.

წყარო: https://bits.media

ამერიკელი სენატორი კრიპტობირჟების მიმართ რეგულაციების გამკაცრებას მოითხოვს

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას