ამერიკელი ტრეიდერები უკანონო ვაჭრობისთვის VPN-ს მასობრივად იყენებენ

ამერიკელი ტრეიდერები უკანონო ვაჭრობისთვის VPN-ს მასობრივად იყენებენ

Inca Digital-ის მიერ ჩატარებული კვლევის თანახმად, ამერიკელი კრიპტოვალუტის ტრეიდერები უცხოური
სავაჭრო პლატფორმების გეო-ბლოკირების სისტემას გვერდს VPN-ის გამოყენებით უვლიან.

ტრეიდერები შეერთებული შტატებიდან მარტივად უვლიან გვერდს იმ კრიპტო ბირჟების აკრძალვებს,
რომლებმაც პლატფორმებზე წვდომა გარკვეული გეოლოკაციების IP-მისამართებს შეუზღუდეს. ამისთვის
ისინი ვირტუალურ კერძო ქსელებს (VPN) იყენებენ, რომელთა მეშვეობით მათი ადგილმდებარეობა იმ ქვეყნებში
ფიქსირდება, სადაც ციფრული აქტივებით ვაჭრობა ნებადართულია. გარდა ამისა, ბირჟაზე რეგისტრაციისას
მომხმარებლებს შეგნებულად შეუძლიათ საცხოვრებელი ადგილის შესახებ ყალბი ინფორმაციის მიწოდება. 

Inca Digital – ის ტექნოლოგია შეერთებული შტატების სასაქონლო ფიუჩერსების სავაჭრო კომისიის (CFTC)
მიერ გამოიყენება, რომელიც ქვეყანაში დერივატივებით ვაჭრობას არეგულირებს. ოფშერული პლატფორმები
ზემოთხსენებული უწყების მიერ არ კონტროლდება, შესაბამისად მათზე CFTC-ის ინვესტორების დაცვისა და ბაზრით მანიპულირების წინააღმდეგ ბრძოლის წესები არ ვრცელდება. 

Inca Digital-მა ტრეიდერების მიერ ტრანზაქციების წარმატებულად ჩატარების შესახებ ტვიტერზე გაკეთებული
განცხადებების ანალლიზი მოახდინა. ანალიტიკოსებმა მსგავსი 2000-მე ტვიტი აღმოაჩინეს. მათგან 372
ამერიკელებს ეკუთვნოდათ, რომელთაგან 240 ჰონკონგის ბირჟა FTX-ით სარგებლობდა. სავარაუდოდ ეს
ძალიან მცირე ნაწილია იმ ტრეიდერებისა, რომლებიც ბლოკირებას გვერდს უვლიან.

ცოტახნის წინ FTX-ის მომხმარებლებს უკვე KYC-ის საწყის დონეზე პირადობის დამადასტურებელი
ყოველგვარი დოკუმენტის გარეშე ყოველდღიურად 9000$-მდე თანხის გატანა შეეძლოთ. მოგვიანებით კი
სავაჭრო პლატფორმის ხელმძღვანელობამ გამოაცხადა, რომ ამერიკელი ტრეიდერების ბლოკირებისთვის ზომებს მიიღებს. 

კრიპტობირჟამ Binance თავისი ამერიკელი მომხმარებლები არაერთხელ გააფრთხილა  შეეწყვიტათ
პლატფორმის გამოყენება, რადგან ეს მათი ქვეყნის კანონმდებლობას არღვევს.  Forbes-ის მიერ გამოქვეყნებულ
სტატიაში კი ნათქვამია, რომ  ამერიკელ მოქალაქეებს მარეგულირებლების მიიერ დაწესებული შეზღუდვების თავიდან ასარიდებლად VPN სერვისების გამოყენებას თავად Binance ურჩევს. Binanc-მა ეს განცხადება უარყო და გამოცემას ცილისწამებისთვის უჩივლა.

წყარო: https://bits.media

ამერიკელი ტრეიდერები უკანონო ვაჭრობისთვის VPN-ს მასობრივად იყენებენ

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას

Mastercard Bakkt-თან თანამშრომლობით ლოიალობის პროგრამას კრიპტოვალუტაში დაიწყ

ტრილიონი დოლარის შეცდომა: აპირებს ჩინეთი კრიპტო აკრძალვის გაუქმებას