აფხაზეთის დეფაქტო ხელისუფლების წარმომადგენლები უკანონო მაინინგს ახორციელებენ

აფხაზეთის დეფაქტო რესპუბლიკის პრეზიდენტი უკანონო მაინინგისთვის მაღალჩინოსნების დასჯის ინიციატივით გამოვიდა.

მინისტრთა კაბინეტის შეხვედრაზე დეფაქტო აფხაზეთის პრეზიდენტმა, ასლან ბჟანიამ
უკანონო მაინინგისთვის მაღალჩინოსნების თანამდებობიდან მოხსნის აუცილებლობაზე ისაუბრა.

დეფაქტო პრეზიდენტი შეშფოთებულია კრიპტოვალუტების უკანონო მაინინგის გაზრდით,
და განსაკუთრებით ამ პროცესში ხელისუფლების წარმომადგენელთა მონაწილეობით. 

აფხაზეთი

„შეგიძლიათ არ დაიჯეროთ და თითოეულმა განაგრძოთ საკუთარი თამაში, ვნახოთ ვისი
აჯობებს. რაიონებისა და ქალაქების ადმინისტრაციების უფროსებო, გაეცით განკარგულება
ყოველი სოფლის გამგებლისთვის, სადაც ფერმას აღმოაჩენთ გადაიღეთ, გამოიტანეთ მკაცრი
განაჩენი-თავად მიიღეთ გადაწყვეტილება. წინასწარი მონაცემებით, მათ შორის ვისაც დანადგარები აღმოაჩნდა არიან ხელისუფლების წარმომადგენლებიც. ასეთი ფაქტებიც არის. საჭიროა ამის საფუძვლიანად მოკვლევა და მსგავსი ადამიანების მოცილება.“ – განაცხადა ასლან ბჟანიამ შეხვედრაზე.

დეფაქტო პრეზიდენტმა ასევე აღნიშნა, რომ ხელისუფლება კრიპტოვალუტების უკანონო მაინინგთან
ბრძოლას დიდი ხანია ცდილობს, თუმცა პროგრესი მცირეა, რადგან ამ ამოცანის შესრულებას
წინააღმდეგობა თავად მთავრობის წარმომადგენლებისგან ხვდება. ბჟანიამ დეფაქტო პრემიერ
მინისტრსა და დეფაქტო პრეზიდენტის ადმინისტრაციის უფროსს თხოვნით მიმართა მაინინგში
ჩართული მაღალჩინოსნები გამოავლინონ და დასაჯონ, მათ შორის თანამდებობიდან გათავისუფლებით.

გასული წლის ბოლოს ენერგოკრიზისთან დაკავშირებით დეფაქტო რესპუბლიკის მინისტრთა კაბინეტმა კრიპტოვალუტების მაინინგის აკრძალვის რეკომენდაცია 2021 წლის 1 ივნისამდე გასცა. იანვარში დეფაქტო აფხაზეთის პოლიციამ უკანონო მაინინგ ფერმების გამოსავლენად რეიდი ჩაატარა. შედეგად 25 მეგავატი საერთო სიმძლავრის  მოწყობილობები იქნა გამორთული.

წყარო: https://bits.media

აფხაზეთის დეფაქტო ხელისუფლების წარმომადგენლები უკანონო მაინინგს ახორციელებენ