Apple და Google პროდუქტები კრიპტოინვესტორებს საფრთხეს უქმნის

Apple და Google პროდუქტები კრიპტოინვესტორებს საფრთხეს უქმნის

ამერიკელი მეწარმისა და კრიპტო ბირჟა Coinbase-ის ყოფილი მენეჯერის ვარაუდით,

ფინანსური კრიზისის გამწვავებასთან დაკავშირებით სამთავრობო უწყებებმა შესაძლოა კრიპტო-ინვესტორების აქტივების ხელში ჩაგდება სცადონ.

ბალაჯი სრინივასანმა (Balaji Srinivasan) ტვიტერზე შეშფოთება გამოთქვა, რომ გლობალური ფინანსური კრიზისის გაღრმავებასთან დაკავშირებით მთავრობებმა, რომლებიც ფულადი სახსრების ნაკლებობას განიცდიან, შესაძლოა კრიპტო-ინვესტორებისთვის აქტივების ჩამორთმევა სცადონ.

სრინივასანის ვარაუდით, მთავრობებისთვის წინააღმდეგობის გაწევის შემთხვევაში, სამთავრობო უწყებებს პირადი გასაღებების მოსაპოვებლად და სახსრების იძულებით ჩამორთმევის მიზნით,

შეუძლიათ დახმარებისთვის Apple-ისა და Google-ის მსგავს ტექნოლოგიურ კომპანიებს მიმართონ.

ბიზნესმენს მიაჩნია, რომ რისკის ქვეშ iPhone-ისა და Android-ის მოწყობილობების, Mac-ის ლეპტოპების, Chrome-ის ბრაუზერის, Google Docs-ისა და Gmail-ის მსგავსი ონლაინ პლატფორმის მილიარდობით მფლობელებია.

ამავდროულად, სრინივასანის თქმით, სამთავრობო უწყებები ტექნოლოგიური გიგანტების ქმედებებს ხელს უწყობენ.

ოფიციალური პირები iPhone-ებსა და Android მოწყობილობებზე არა მხოლოდ ბექდორების გამოყენებას უშვებენ, არამედ მოწყობილობების გატეხვისა და მომხმარებელთა მონაცემების მოპოვების ბრძანებებსაც გასცემენ.

„ეს არ არის კიბერტერორიზმი, ეს კიბერ ომია. ეს არ არის რიგითი ჰაკერი, რომელიც ფაილის მოპარვას ახერხებს. ეს არის მსხვილი კომპანიის აღმასრულებელი დირექტორი, რომელიც თანამშრომლებს ოფიციალურ ბრძანებას აძლევს მომხმარებლების მოწყობილობები გატეხონ. ყველა კითხვაზე პასუხი არ მაქვს, მაგრამ მინდა, რომ ამაზე ფიქრი დროულად დავიწყოთ.“ – ამბობს სრინივასანი.