აშშ ოლიმპიურ

თამაშებზე ციფრული იუანის აკრძალვას ითხოვს
ამერიკელმა სენატორებმა აშშ-ს ოლიმპიური კომიტეტს პეკინის 2022 წლის ზამთრის
ოლიმპიურ თამაშებზე ჩინეთისთვის სახელმწიფო ციფრული ვალუტის გამოყენების აკრძალვა მოსთხოვეს.

აპრილში ჩინეთის სახალხო ბანკმა გამოაცხადა, რომ ტურისტებსა და უცხოელ სპორტსმენებს
ქვეყანაში ყოფნის დროს ციფრული იუანის ელექტრონული საფულეებით სარგებლობის
შესაძლებლობა ექნებათ. მაგრამ რესპუბლიკური პარტიის დეპუტატები მარშა ბლექბორნი (Marsha Blackburn), სინტია ლამისი (Cynthia Lummis) და როჯერ უოკერი (Roger Wicker) შიშობენ, რომ ამან აშშ კონფედენციალურობას  შეიძლება საფრთხე შეუქმნას, რადგან ჩინეთი ციფრული იუანის მეშვეობით მომხმარებელთა გაკონტროლებას შეძლებს.

დეპუტატებმა აშშ-ს ოლიმპიური კომიტეტის თავმჯდომარეს, სიუზან ლაიონს  (Suzanne Lyons) პეკინში ოლიმპიური თამაშების დროს ჩინეთის სახალხო ბანკის ციფრული ვალუტის გამოყენების აკრძალვის მოთხოვნით წერილობით მიმართეს. მიმართვაში ნათქვამია:

„ჩვენ ვერ დავუშვებთ, რომ ამერიკელი სპორტსმენებისგან „ტროას ცხენი“ შექმნან, რომლის მეშვეობითაც ჩინეთის კომუნისტური პარტია შეერთებულ შტატებში ჯაშუშობას შეძლებს. ოლიმპიური თამაშების ყველა მონაწილემ უნდა იცოდეს, რომ ციფრული იუანი შესაძლოა ჩინეთის მოქალაქეებსა და უცხოელ ტურისტებზე დაკვირვებისთვის იქნას გამოყენებული. ჩინეთის ხელისუფლებას იმედი აქვს, რომ ადამიანები შეინახავენ ციფრული იუანის ელექტრონულ საფულეებს და მათ გამოყენებას საკუთარ ქვეყანაში დაბრუნების მერეც განაგრძობენ.“

სენატორებმა გამოთქვეს შეშფოთება იმასთან დაკავშირებით, რომ საერთაშორისო
ვაჭრობაში ციფრული იუანის დანერგვას შესაძლოა უარყოფითი შედეგები მოჰყვეს.
მათი თქმით, ჩინეთის კომუნისტური პარტია  უახლეს ტექნოლოგიებს უიგურთა,
ჰონგ კონგის მკვიდრთა და ჩინეთში მცხოვრებ თავისუფალი სიტყვისთვის მებრძოლ
სხვა უმცირესობებზე დაკვირვებისთვის უკვე იყენებს. გარდა ამისა, სენატორების ცნობით,
მობილური გადახდების პლატფორმები, როგორიცაა WeChat, ჩინეთის მოქალაქეების
თვალთვალისთვის უკვე გამოიყენება.

ციფრული იუანის წინააღმდეგ აშშ-ში პირველად არ გამოდიან. მაისში ამერიკული საკონსულტაციო კომპანია Oliver Wyman-ის ანალიტიკოსებმა განაცხადეს, რომ ციფრულ იუანს საერთაშორისო საბანკო სისტემა SWIFT-ისთვის და უცხოური ბანკებისთვის ზიანის მოტანა შეუძლია.

წყარო: https://bits.media

აშშ ოლიმპიურ თამაშებზე ციფრული იუანის აკრძალვას ითხოვს