ASIC მაინერის მწარმოებლის შემოსავალი 82%-ით შემცირდა

ASIC მაინერის მწარმოებლის შემოსავალი 82%-ით შემცირდა

ASIC მაინერების ჩინურმა მწარმოებელმა Canaan აშშ-ს ფასიანი ქაღალდებისა და ბირჟების კომისიას (SEC) ფინანსური შედეგების ანგარიში წარუდგინა, საიდანაც ირკვევა, რომ გასული წლის ბოლო კვარტალში კომპანიის შემოსავალი 82%-ით შემცირდა.

ანგარიშის მიხედვით, 2022 წლის ოქტომბერ-დეკემბერში კომპანიის შემოსავალმა  56,8 მილიონი დოლარი შეადგინა, ზარალმა კი 63,6 მილიონი აშშ დოლარი.

შედარებისთვის, ერთი წლით ადრე – 2021 წლის მეოთხე კვარტალში, კომპანიამ წარდგენილ ანგარიშში 182 მილიონი დოლარის წმინდა მოგება აღრიცხა.

კომპანია ასევე დამოუკიდებლად  მაინინგით არის დაკავებული.

გასული წლის წლის განმავლობაში, Canaan-ის მიერ კრიპტოვალუტის მაინინგიდან მიღებული შემოსავალი  368.2%-ით გაიზარდა და 10.46 მილიონ დოლარს მიაღწია.

„იმისათვის, რომ ბაზრის ვარდნის პირობებში მდგრადობა შევინარჩუნოთ, ჩვენ საკუთარ მაინინგ ბიზნესს სრულვყოფთ და ვანვითარებთ. თებერვლის ბოლოს ჩვენი აღჭურვილობის საერთო ჰეშრეიტმა წამში 3.8 ექსაჰაშს მიაღწია. ჩვენი მაინინგ ბიზნესის განვითარებისთვის მასშტაბური ინვესტიციები განვახორციელეთ. მაინინგ ფერმები მსოფლიოს იმ რეგიონებში ავამოქმედეთ, სადაც უფრო ხელსაყრელი პირობებია .“- განაცხადა Canaan-ის თავმჯდომარემ და აღმასრულებელმა დირექტორმა ნანგენ ჯანგმა (Nangeng Zhang).

Canaan-ის ფინანსურმა დირექტორმა ჯინ ჩენგმა (Jin Cheng) ხაზგასმით აღნიშნა, რომ კომპანიის ზარალი  ბიზნესის რეორგანიზაციასთან და ახალი ტიპის აღჭურვილობის განვითარებასთან არის დაკავშირებული. ასევე, მაჩვენებლებზე გავლენა კრიპტოვალუტის ბაზრის საერთო ვარდნამც იქონია.

ინფორმაცია იმის შესახებ, რომ Canaan საქმიანობის მნიშვნელოვნად გაფართოებას გეგმავს, გასული წლის ნოემბერში გავრცელდა.