Bakkt აშშ-ს უმსხვილეს საფონდო ბირჟაზე IPO-ს ჩაატარებს

კრიპტოვალუტის კომპანია Bakkt, რომელიც ბიტკოინის ფიუჩერსებით ვაჭრობის ორგანიზებაშია სპეციალიზირებული, ორშაბათს  ნიუ-იორკის საფონდო ბირჟაზე აქციებს გამოიტანს.

Bakkt Holdings-მა პრესრელიზში განაცხადა, რომ ორშაბათს, 18 ოქტომბერს, იგი აქციებს ნიუ
იორკის საფონდო ბირჟაზე (NYSE) განათავსებს. ამრიგად, Bakkt იმ კრიპტოვალუტის კომპანიების რიგებს შეუერთდება, რომელთა ფასიანი ქაღალდებით ვაჭრობა ტრადიციულ საფონდო ბირჟებზე ხდება.
Bakkt-ის A კლასის აქციები და ვარანტები ნიუ-იორკის საფონდო ბირჟაზე განთავსდება საბირჟო კოდებით
BKKT და BKKT WS.

ჯერ კიდევ მიმდინარე წლის დასაწყისში, Bakkt-მა გამოაცხადა თავისი განზრახვა VPC Impact Acquisitions Holdings-თან შერწყმის გზით საჯარო კომპანია გამხდარიყო. გასულ კვირას Bakkt-მა დაადასტურა,
რომ საჯარო განთავსებასთან დაკავშირებული  მოლაპარაკებების ყველა ეტაპი დასრულებულია.
აღსანიშნავია, რომ კომპანიას ნიუ -იორკის საფონდო ბირჟა უმიზეზოდ არ აურჩევია. 2019 წელს Bakkt-მა  ბიტკოინის დერივატივებით ვაჭრობა სწორედ იქ დაიწყო.

შერწყმის შედეგად Bakkt-ის მთლიანი შემოსავალი 450 მილიონ დოლარამდე გაიზარდა. კომპანია
გეგმავს აქციების გაყიდვიდან მიღებული შემოსავლები ინვესტიციების დასაფინანსებლად, ასევე
“პლატფორმის შესაძლებლობებსა და მარკეტინგის და მიმდინარე და სამომავლო პარტნიორობის დასაჩქარებლად” გამოიყენოს

Bakkt-ის აღმასრულებელმა დირექტორმა გევინ მაიკლმა (Gavin Michael) განაცხადა:

„დღეს Bakkt-ისთვის განსაკუთრებული დღეა. ბიზნესის გაერთიანებამ ის აუცილებელი
კაპიტალი მოგვცა, რომელიც იმ საქმის გასაგრძელებლად გვჭირდება, რომელსაც საუკეთესოდ ვასრულებთ – ეს არის ინოვაცია. ჩვენ მოხარულები ვართ გადავიდეთ შემდეგ ეტაპზე და მოუთმენლად ველით შესაძლებლობას წინა პლანზე წამოვწიოთ კომპანიის ზრდისა და ციფრული ეკონომიკის გაერთიანების ინიციატივები.“

2019 წლის დეკემბერში, Bakkt-მა ბიტკოინზე პირველი რეგულირებადი ოპციონის გამოშვების შესახებ გამოაცხადა. ამავე დროს, კომპანია დიდი პასუხისმგებლობით ეკიდება კანონმდებლობას. ცოტახნით ადრე Bakkt-მა ნიუ-იორკის შტატის ფინანსური მომსახურების დეპარტამენტისგან (NYDFS) BitLicense  მიიღო. ამან კომპანიას საშუალება მისცა ნიუ-იორკის შტატის რეზიდენტებთან კანონიერად ემუშავა.

წყარო: https://bits.media

ბიტკოინ მაინინგი, კრიპტო მაინინგი, კრიპტონიუსი, კრიპტოსიახლეები, მაინინგი, მაინინგის რეგულირებაBitcoin Mining, Cryptocurrancies, Cryptonews, cryptonews.ge, Green minig, Mining, Regulatios, ბიტკოინ მაინინგი, კრიპტო მაინინგი, კრიპტონიუსი, კრიპტოსიახლეები, მაინინგი, მაინინგის რეგულირებაBitcoin Mining, Cryptocurrancies, Cryptonews, cryptonews.ge, Green minig, Mining, Regulatios, ბიტკოინ მაინინგი, კრიპტო