by shaksen 
ბერმუდა გეგმავს გახდეს მსოფლიოში პირველი სრულად “ონჩეინ” ეკონომიკა
რა უნდა ვიცოდეთ
- ბერმუდა თანამშრომლობს კომპანიებთან: Circle, Coinbase და Stellar, რათა შექმნას მსოფლიოში პირველი სრულად ონჩეინ ეკონომიკა.
- ქვეყნის ცენტრალურმა ფინანსურმა მარეგულირებელმა უკვე დაიწყო რეალური ტესტირება USDC-ის დარიგებით მოქალაქეებზე.
- ბერმუდა გეგმავს სახელმწიფო სერვისებში კრიპტო გადახდების ინტეგრაციას და საკუთარი ციფრული დოლარის გამოშვებას.
Bermuda მსოფლიოში პირველი სრულად “ონჩეინ” ეკონომიკის შექმნას გეგმავს. ქვეყნის ხელისუფლება და მარეგულირებლები მიიჩნევენ, რომ ბლოკჩეინის ტექნოლოგია მოქალაქეებისთვის ახალ ეკონომიკურ შესაძლებლობებს შექმნის და მნიშვნელოვნად შეამცირებს ფინანსურ ხარჯებს.
ბერმუდის მონეტარული ორგანოს (BMA) აღმასრულებელმა დირექტორმა კრეიგ სვანმა CoinDesk-თან ინტერვიუში განაცხადა, რომ ქვეყანამ უკვე დაიწყო პრაქტიკული ექსპერიმენტები.
მისი თქმით, ბერმუდაში ჩატარდა მასშტაბური ღონისძიება, სადაც მოქალაქეებს კრიპტო საფულეების შექმნა ასწავლეს. მონაწილეებს საჩუქრად $100-ის ღირებულების USDC გადაეცათ, რის შემდეგაც მათ შეეძლოთ თანხის გამოყენება პროდუქტის შესაძენად, სხვა ადამიანებისთვის გასაგზავნად ან ტრადიციულ ვალუტაში გადასაცვლელად.
ღონისძიებაზე სპეციალურად მოეწყო სავაჭრო სივრცეც, სადაც ადგილობრივ მოვაჭრეებსა და მოსახლეობას ბლოკჩეინ გადახდების პრაქტიკაში გამოცდის შესაძლებლობა მიეცათ. გადახდების დამუშავებაში მონაწილეობდა MoneyGram, რომელიც მომხმარებლებს USDC-ის ფიატ ვალუტაში კონვერტაციას სთავაზობდა.
კრიპტო გადახდები სახელმწიფო სერვისებში
ბერმუდა უკვე ამზადებს ინფრასტრუქტურას, რათა სახელმწიფო გადახდებშიც გამოიყენოს ციფრული აქტივები.
პირველი ეტაპი შეეხება ავტომობილებისა და მართვის მოწმობების დეპარტამენტს (DMV), რადგან ეს ერთ-ერთი ყველაზე დატვირთული სახელმწიფო სერვისია.
ქვეყნის მთავრობამ უკვე შეცვალა კანონმდებლობა, რათა ოფიციალურად გახდეს შესაძლებელი ციფრული აქტივებით გადასახადებისა და სახელმწიფო მოსაკრებლების გადახდა.
პარტნიორობა Circle-თან, Coinbase-თან და Stellar-თან
მსოფლიო ეკონომიკურ ფორუმზე, დავოსში, ბერმუდამ ოფიციალურად დააანონსა პარტნიორობა Circle-თან და Coinbase-თან.
Circle უზრუნველყოფს სახელმწიფო ციფრული ხაზინის ინფრასტრუქტურას, ხოლო Coinbase ხელს შეუწყობს როგორც ინსტიტუციური, ასევე საცალო მომხმარებლების ინტეგრაციას.
გარდა ამისა, ბერმუდამ ახლახან დაიწყო თანამშრომლობა Stellar-თან, რომლის დახმარებითაც ქვეყანა საკუთარ ციფრულ ვალუტას — “Bermuda Digital Dollar”-ს გამოუშვებს.
რატომ გადადის ბერმუდა ბლოკჩეინზე
ბერმუდის პრემიერ-მინისტრის, E. David Burt თქმით, ტრადიციული საბანკო სისტემა მოსახლეობისთვის და ბიზნესებისთვის მაღალი საკომისიოებით გამოირჩევა, რაც ეკონომიკურ ზრდას აფერხებს.
ბლოკჩეინის გამოყენებით ქვეყანა ცდილობს შეამციროს შუამავლური ხარჯები და ფინანსური ოპერაციები უფრო სწრაფი და იაფი გახადოს.
ახალი კანონები და AI კონტროლი
ბერმუდა ასევე ამზადებს ახალ საკანონმდებლო ცვლილებებს, რომლებიც დაარეგულირებს:
- ციფრულ საკუთრებას
- სმარტ კონტრაქტებს
- ტოკენიზებულ აქტივებს
- DeFi სექტორს
ქვეყანამ უკვე გამოსცადა სისტემა, სადაც სმარტ კონტრაქტები ავტომატურად აჩერებენ ტრანზაქციებს, თუ რეზერვები არასაკმარისია ან მისამართი AML/სანქციების მოთხოვნებს არღვევს.
მარეგულირებელი ორგანო დამატებით მუშაობს AI გადახდების ჰაბის შექმნაზე, რომელიც ავტონომიური პროგრამების მიერ განხორციელებულ ტრანზაქციებს გააკონტროლებს.
სიახლეების გამოწერა
