Microsoft-ის თანადამფუძნებელმა, ბილ გეიტსმა განაცხადა, რომ „ნეიტრალური დამოკიდებულება“ აქვს ბიტკოინის მიმართ და არ გეგმავს კრიპტოვალუტაში ინვესტირებას.
ერთ-ერთ ბოლოდროინდელ ინტერვიუში გეიტსმა განაცხადა, რომ არ ფლობს ბიტკოინებს და არ აპირებს მათ შეძენას. გეიტსის აზრით, შეუძლებელია ბიტკოინის კურსის პროგნოზირება, რადგან მისი ზრდა ან ვარდნა მომხმარებლების ნდობასა და კრიპტოვალუტის ინდუსტრიის წარმომადგენელთა განცხადებებზეა დამოკიდებული.
გეითსი დღემდე ფიქრობს, რომ ხშირად ციფრული ვალუტების გამოყენება გადასახადებისგან თავის დაღწევის ან უკანონო ქმედებების განხორციელებისთვის ხდება. ის აღნიშნავს, რომ მის საქველმოქმედო ფონდს Bill&Melinda Gates Foundation ასევე უხდება ფულის „ციფრულ ფორმებთან“ მუშაობა, თუმცა, ყველა ტრანზაქცია სრულიად გამჭვირვალეა.
„მე ვინარჩუნებ ნეიტრალურ პოზიციას ბიტკოინთან მიმართებაში. მაგრამ ეს კრიპტოაქტივი არაპროგნოზირებადია. შეუძლებელია განსაზღვრო, როგორ განვითარდება ის მომავალში,“ – აცხადებს ბილ გეითსი.
2018 წელს, მან გააკრიტიკა კრიპტოვალუტის ტრანზაქციების ანონიმურობა და განაცხადა, რომ ციფრული აქტივები თაღლითებთან, ნარკომოვაჭრეებთან და ტერორისტებთან ასოცირდება. მაშინ გეიტსმა ციფრულ ვალუტებს „მომაკვდინებელი“ ტექნოლოგია უწოდა. ახლა გეითსის დამოკიდებულება ბიტკოინის მიმართ შეიცვალა, თუმცა, ის მაინც არ არის კრიპტოვალუტების მხარდამჭერი. ცოტა ხნის წინ Microsoft-ის პრეზიდენტმა ბრედ სმიტმა (Brad Smith) განაცხადა, რომ ახლო მომავალში კორპორაცია არ განიხილავს ბიტკოინს როგორც საინვესტიციო ინსტრუმენტს.
ყველაფრის მიუხედავად, ბიტკოინი სულ უფრო მეტ ნდობას იმსახურებს ინსტიტუციონალურ ინვესტორებს შორის. ბიტკოინს „სხვა კუთხით“ საინვესტიციო კომპანია BlackRock-მაც შეხედა. ადრე ფირმა ბიტკოინს არასტაბილურ და არასანდო აქტივად განიხილავდა. ცოტახნის წინ კი BlackRock-მა განაცხადა, რომ შეისწავლის ბიტკოინს როგორც კაპიტალის დაგროვების ალტერნატიულ ინსტრუმენტს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)