Binance-ის დამფუძნებელმა აშშ-ის ბაზარზე დაბრუნება ითხოვა

Binance-ის დამფუძნებელმა აშშ-ის ბაზარზე დაბრუნება ითხოვა

ვაჭრობის მოცულობით მსოფლიოს უდიდესი კრიპტო ბირჟა Binance-ის საკონტროლო პაკეტის მფლობელმა ჩენპენ ჯაომ (Changpeng Zhao) ცოტა ხნის წინ აშშ-ის პრეზიდენტ დონალდ ტრამპისგან მიღებული შეწყალების შემდეგ განაცხადა, რომ მის კომპანიას ამერიკულ ბაზარზე დაბრუნება და შეერთებული შტატებისთვის მსოფლიოს კრიპტო დედაქალაქად გადაქცევაში დახმარება სურს.

ინვესტორ ენტონი პომპლიანოსთან (Anthony Pompliano) საუბარში ჯაომ განაცხადა, რომ თეთრი სახლის ამჟამინდელი ადმინისტრაცია მხარს უჭერს ციფრულ აქტივებს. Binance-ის დამფუძნებელმა აშშ-ის მთავრობა მსოფლიოში ერთ-ერთ ყველაზე გავლენიან მთავრობად მოიხსენია და იგი კრიპტოვალუტების გამოყენებისა და პოპულარიზაციისთვის შეაქო.

მიუხედავად იმისა, რომ Binance მსოფლიოში უდიდესი კრიპტო ბირჟაა, ბიზნესმენმა წუხილი გამოთქვა, რომ ის ამჟამად აშშ-ს ფარგლებს გარეთ ოპერირებს. მისი თქმით, Binance მზადაა ამერიკული კრიპტო ინდუსტრიის განვითარებაში წვლილი შეიტანოს.

„ჩვენ გვსურს დავეხმაროთ აშშ-ს მსოფლიოს კრიპტო დედაქალაქი გახდეს, მაგრამ მარეგულირებელი ბარიერები მთავარ გამოწვევად რჩება.“ – აღნიშნა ჯაომ.

ცოტა ხნით ადრე აშშ-ის იუსტიციის დეპარტამენტმა ჯაოს ბრალი იმაში დასდო, რომ აღმასრულებელი დირექტორის პოსტზე ყოფნისას Binance-ზე განხორციელებული, ტერორიზმის დაფინანსებასთან და სხვა უკანონო საქმიანობასთან დაკავშირებული საეჭვო ტრანზაქციების შესახებ იცოდა, მაგრამ ამის შესახებ სამართალდამცავ ორგანოებს არ შეატყობინა. გასულ კვირას ტრამპმა ჯაო შეიწყალა, უდანაშაულოდ გამოაცხადა იგი უკანონო ბირჟაზე ტრანზაქციებსა და ფულის გათეთრების დარღვევებში

წყარო: https://x.com/APompliano/status/1979230937893274062