Binance-ის მიერ რუსეთისთვის მონაცემების გადაცემამ უკრაინელი დონორის დაპატიმრება გამოიწვია
by Giorgi 
Binance-ის მიერ რუსეთისთვის მონაცემების გადაცემამ უკრაინელი დონორის დაპატიმრება გამოიწვია
Binance-ის განცხადებით, 2023 წელს რუსეთის ბაზრის დატოვების მიუხედავად, ის სამართალდამცავებთან მაინც თანამშრომლობს.
საინფორმაციო სააგენტო Reuters-ის ცნობით, კრიპტობირჟამ Binance რუსეთის ხელისუფლებას გადასცა მომხმარებლის პირადი მონაცემები, რომელთა საფუძველზე რუს IT სპეციალისტს ტერორიზმის დაფინანსებაში ბრალი წაუყენეს. მიზეზი უკრაინული ორგანიზაციებისთვის გადარიცხული დონაციები გახდა.
საინფორმაციო სააგენტო Reuters-ის ცნობით, ბირჟამ სამართალდამცავებისთვის გადაცემულ დოკუმენტაციაში binanceმოქალაქე იური ბელენკის მიერ 700 დოლარზე მეტი ღირებულების ტრანზაქციის განხორციელება დააფიქსირა. გარდა ამისა, Binance-მა რუსულ მხარეს გადასცა მისი პირადი მონაცემები: დაბადების თარიღი, მისამართი, ტელეფონის ნომერი, პასპორტის ნომერი და რუსული პასპორტისა და ბულგარეთის ბინადრობის მოწმობის ასლები.
რუსეთის სამართალდამცავებმა ბელენკი 2025 წლის სექტემბერში დააკავეს. იგი ამ დრომდე პატიმრობაში იმყოფება და სასამართლოს ელოდება.
რუსეთის საგამოძიებო კომიტეტის მტკიცებით, ბელენკიმ გადარიცხვები 2023 წლის იანვრიდან 2024 წლის მარტამდე, დევნილობაში მყოფი კრემლის კრიტიკოსის, არკადი ბაბჩენკოს მოწოდების შემდეგ განახორციელა. თანხა განკუთვნილი იყო უკრაინის შეიარაღებული ძალებისა და „აზოვის“ ბრიგადასთან დაკავშირებული ჯგუფისთვის, რომელსაც მოსკოვი ტერორისტულ ორგანიზაციად მიიჩნევს.
გამოძიებამ ბელენკის ტრანზაქციების ისტორიის მოთხოვნის შემდეგ ორი საპასუხო წერილი ელექტრონული ფოსტიდან case@binanceholdings.ru მიიღო. სწორედ ამ მისამართზე ამისამართებდა Binance-ის ვებგვერდი რუსეთისა და ბელარუსის სამართალდამცავ ორგანოებს.
Binance-ის მოქმედი წესების თანახმად, სისხლის სამართლის გამოძიების ფარგლებში მომხმარებლის მონაცემების გასაცემად კომპანია სასამართლოს ოფიციალურ განჩინებას ან პოლიციის შესაბამის ორდერს მოითხოვს.
აღნიშნული ინფორმაცია მას შემდეგ გახდა ცნობილი, რაც Binance-მა 2023 წლის სექტემბერში რუსული ბიზნესი კომპანია CommEX-ს მიჰყიდა. მაშინ ბირჟამ განაცხადა, რომ რუსეთში ოპერირება არ შეესაბამებოდა მათ პოლიტიკას და უარი თქვა ბიზნესის გამოსყიდვის ან შემოსავლის გაყოფის ყოველგვარ უფლებაზე.
Reuters-თან საუბრისას Binance-მა აღნიშნა, რომ კომპანია სამართალდამცავებთან კანონის, კონფიდენციალურობისა და მარეგულირებელი მოთხოვნების დაცვით თანამშრომლობს. თუმცა, ბირჟამ უშუალოდ ბელენკის შემთხვევის განხილვაზე უარი განაცხადა და არ უპასუხა შეკითხვას, დაირღვა თუ არა ამით მონაცემთა დაცვის ევროპული წესები.
დოკუმენტები, რომლებზეც სტატიაა დაფუძნებული, ბელენკის ერთ-ერთმა ნათესავმა მიაწოდა ორგანიზაცია „პირველ დეპარტამენტს“, რომელიც რუსეთში პოლიტიკური ნიშნით დევნილ ბრალდებულებს ეხმარება.
სიახლეების გამოწერა
