Binance-ის ძირითადი მოთხოვნა ლისტინგისთვის
კრიპტოვალუტის ბირჟა Binance-ის აღმასრულებელი დირექტორის ჩენპენ ჯაოს განცხადებით, პლატფორმაზე კრიპტოვალუტების და ტოკენების ლისტინგისთვის მთავარი წინაპირობა აქტივის პოპულარობაა.
Forbes-თან ინტერვიში ჯაომ განაცხადა, რომ Binance-ის ბირჟაზე აქტივის განთავსებისთვის მრავალი კრიტერიუმი არსებობს, მაგრამ ყველაზე მნიშვნელოვანი მომხმარებელთა რაოდენობაა.
არანაკლებ მნიშვნელოვანია მოცემული ტოკენების აქტიური საფულეების რაოდენობა, პოპულარობა სოციალურ პლატფორმებზე და დეველოპერების აქტიურობა. მაგრამ მაინც, მთავარ პირობად მომხმარებლების რაოდენობა რჩება.
„თუ მონეტას ან ტოკენს ბევრი მომხმარებელი ყავს, ჩვენ მას დავამატებთ. ეს ძალიან მნიშვნელოვანი პარამეტრია. მაგალითად, „მონეტა-მიმები“. მე ისინი არც ისე კარგად მესმის, მაგრამ თუ მათ ბევრი ადამიანი გამოიყენებს ჩვენ დავამატებთ ასეთ მონეტებს ჩვენს პლატფორმაზე.
ჩვენ ყურადღებას ვამახვილებთ საზოგადოებაზე, ჩემს პირად აზრს კი მნიშვნელობა არ აქვს. დეველოპერების აქტიურობას, ჯგუფებს Telegram-ში, გამომწერებს, აქტიური მისამართების რაოდენობას – ამ ყველაფერს მნიშვნელობა აქვს, მაგრამ მთავარ პარამეტრად მომხმარებლების რაოდენობა რჩება.“- ხაზგასმით აღნიშნა ჯაომ.
Binance-ის აღმასრულებელმა დირექტორის განმარტებით, პროექტები, რომლებსაც ბირჟაზე განთავსება სურთ, განაცხადში მომხმარებელთა სტატისტიკა უნდა მიუთითონ.
ეს მონეტის ან ტოკენის ლისტინგს მნიშვნელოვნად გაამარტივებს და დააჩქარებს. მან ასევე ურჩია ახალგაზრდა პროექტებს, გამოცდილების მისაღებად შედარებით მცირე პლატფორმებთან ითანამშრომლონ.
„ხშირად, დეველოპერებს ეს არ ესმით. მათ მომხმარებელთა საზოგადოების შენებით უნდა დაიწყონ. და ეს არ ნიშნავს იმას, რომ საჭიროა 500 ან 10,000 მომხმარებელი Telegram ჯგუფში. საუბარია ბევრად უფრო დიდ აუდიტორიაზე“- ამბობს ჩენპენ ჯაო.
ამჟამად Binance-ზე 346 მონეტა და ტოკენია განთავსებული, ხოლო ვაჭრობის საშუალო დღიური მოცულობა 25 მილიარდ დოლარს აჭარბებს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)