Binance მომხმარებელთა აქტივების დაცვის ფონდიდან მილიარდი დოლარს ბიტკოინს შეიძენს

Binance მომხმარებელთა აქტივების დაცვის ფონდიდან მილიარდი დოლარს ბიტკოინს შეიძენს

ვაჭრობის მოცულობით ყველაზე დიდმა კრიპტო ბირჟამ Binance მომხმარებელთა აქტივების დაცვის ფონდში SAFU (Secure Asset Fund for Users) USDC სტეიბლკოინების ბიტკოინით ჩანაცვლების შესახებ გამოაცხადა.

კომპანიის განცხადებით, ბიტკოინის შეძენა მომდევნო 30 დღის განმავლობაში სტეიბლკოინ USDC-ს გამოყენებით მოხდება. კომპანიამ ასევე BTC-ის ფასის ვარდნის შემთხვევაში SAFU-ს შევსების პროცედურასთან დაკავშირებით განმარტებები გააკეთა.

„თუ ბაზრის არასტაბილურობის გამო ფონდის ღირებულება 800 მილიონ დოლარზე დაბლა დაეცემა, Binance ვალდებული იქნება ბიტკოინი დაამატოს, რათა აქტივების საერთო ღირებულება 1 მილიარდ დოლარამდე აღადგინოს. ეს მექანიზმი შექმნილია იმისთვის, რომ ფონდის ძირითადი დამცავი ფუნქცია ბიტკოინის ფასის რყევების მიუხედავად შენარჩუნდეს .“- განაცხადა კროპტო ბირჟამ.

ბირჟას არ დაუკონკრეტებია, თუ რა მოხდება SAFU-ს სახსრებით შეძენილი ბიტკოინის ზრდის და მოგების მოტანის შემთხვევაში. Binance-ის წარმომადგენლებმა BTC კრიპტო ეკოსისტემის ფუნდამენტურ აქტივად მოიხსენიეს და კომპანიის გადაწყვეტილება როგორც „სტრატეგიული ხედვის ასახვა და არა ბაზრის ფასების მოკლევადიან რყევებზე რეაქცია“ შეაფასეს.

SAFU 2018 წლის ივლისში შეიქმნა, კრიპტო ბირჟის კლიენტების სახსრების საგანგებო სიტუაციების შემთხვევაში დაცვისთვის, როგორიცაა ჰაკერული თავდასხმები, პლატფორმის ფუნქციონირების შეფერხება და სხვა გაუთვალისწინებელი ინციდენტები. SAFU Binance-ის სავაჭრო საკომისიოების გარკვეული პროცენტით ფინანსდება. თავდაპირველად, ფონდში საკომისიოს დაახლოებით 10% მიდიოდა. SAFU-ს ლიცენზირებული კლირინგის კომპანია Nest Clearing and Custody მართავს.

ცოტა ხნით ადრე, Binance-ის აქციების საკონტროლო პაკეტის მფლობელმა ჩანგპენ ჟაომ (Changpeng Zhao) განაცხადა, რომ ბიტკოინი წელს ახალ ისტორიულ მაქსიმუმს მიაღწევს. ბიზნესმენმა განმარტა, რომ ამ ზრდის მთავარი მამოძრავებელი ძალა აშშ-ის რეგულაციებში ცვლილებები იქნება.

წყარო: https://www.binance.com/en/blog/community/7001232677846823071