Binance აქციებით ვაჭრობას არ აპირებს
უმსხვილესი კრიპტოვალუტის ბირჟის Binance-ის აღმასრულებელი დირექტორის განცხადებით, მისი პლატფორმა საფონდო ბაზარზე შესვლას არ აპირებს.
ჩენპენ ჯაოს (Changpeng Zhao) განცხადებით, პლატფორმის მომხმარებელთა რაოდენობის მიუხედავად, Binance აქციებით ვაჭრობის შესაძლებლობის შეთავაზებით დაინტერესებული არ არის.
ბიზნესმენის თქმით, ის არ აპირებს განსაჯოს სწორია თუ არა სხვა კრიპტო ბირჟების მხრიდან მსგავსი სერვისების შეთავაზება,
თუმცა ფასიანი ქაღალდების გაცვლა მისი კომპანიის ფილოსოფიას არ შეესაბამება.
კლიენტებს სტეიბლკოინების მეშვეობით აქციებით ვაჭრობის შესაძლებლობა ახლახანს ბირჟა FTX-მა შესთავაზა. ჯაო აღიარებს, რომ ასეთი სახის ვაჭრობა Robinhood-ისა და Webull-ის მსგავსი მრავალი საცალო საინვესტიციო პლატფორმისთვის მომგებიანი ბაზარია.
მაგრამ, თავად ამჯობინებს Binance-მა ფოკუსირება Web3-ისთვის მეტი ინსტრუმენტების შექმნაზე მოახდინოს.
ბირჟის აღმასრულებელმა დირექტორმა დაამატა, რომ ბაზარზე დაღმავალი ტრენდის პირობებში Binance რამდენიმე კომპანიის შეძენას განიხილავს, მაგრამ არცერთი მათგანი ტრადიციული აქტივების გაცვლასთან დაკავშირებული არ არის.
მისი თქმით, პოტენციური გარიგებები „უფრო მარტივი იქნება“:
„ეს არ ნიშნავს, რომ რთული გარიგებები ცუდია. უბრალოდ, მირჩევნია ყოველთვის სწორხაზოვნად ვიმოქმედო, ყველაფერი საბაზისო პრინციპეპზე დავიყვანო და წინ ვიარო.“
ცოტა ხნის წინ ჯაომ სემ ბენკენ-ფრიდის (Sam Bankman-Fried) კომპანია Alameda Research-ის მიერ, გაკოტრებულ კრიპტობროკერ Voyager Digital-ისთვის შეთავაზებულ 500 მილიონი დოლარის კრედიტზე გააკეთა კომენტარი. Binance-ის ხელმძღვანელმა განაცხადა, რომ ის „ასეთ გარიგებაზე არასდროს წავა“.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)