Binance გაერთიანებულ საემიროებში ლიცენზიის მოპოვებას გეგმავს

Binance გაერთიანებულ საემიროებში ლიცენზიის მოპოვებას გეგმავს 

კრიპტოვალუტის ბირჟა Binance ვირტუალური აქტივების სერვისის პროვაიდერად მუშაობისთვის ლიცენზიის მოსაპოვებლად მოლაპარაკებებს დუბაის მსოფლიო სავაჭრო ცენტრის თავისუფალ ზონასთან აწარმოებს.

გასულ წელს Binance-მა ქვეყანაში ოპერირებაზე თანხმობა ბაჰრეინის ცენტრალური ბანკისგან  მიიღო. Bloomberg-ის ანონიმურ წყაროზე დაყრდნობით, კრიპტო ბირჟამ ახლო აღმოსავლეთში გაფართოების მიზნით ახალი, მომდევნო ეტაპის განხორციელება დაიწყო და დუბაიში მუშაობის ლიცენზიის მისაღებად მოლაპარაკებების დაწყების შესახებ გამოაცხადა.

Binance-ის აღმასრულებელმა დირექტორმა ჩენპენ ჯაომ (Changpeng Zhao) დუბაის მთავრობის მიერ ვირტუალური აქტივების მარეგულირებელი კანონის მიღებასთან დაკავშირებით კმაყოფილება გამოთქვა.

„რეგულირების სიცხადე ძალიან მნიშვნელოვანია. დუბაის ახალი კანონი ვირტუალური აქტივების შესახებ დიდი წინგადადგმული ნაბიჯია.“- წერს ის.

ამ თვეში დუბაის ხელისუფლებამ ვირტუალური აქტივების შესახებ კანონი დაამტკიცა და  ახალი უწყება ჩამოაყალიბა, რომელიც კრიპტოვალუტის ინდუსტრიის რეგულირებით იქნება დაკავებული.

დამტკიცებული კანონის ფარგლებში შეიქმნა დუბაის ვირტუალური აქტივების მარეგულირებელი ორგანო (VARA), რომელიც UAE-ში  კრიპტოაქტივების მიმოქცევას გააკონტროლებს და მომხმარებლების პერსონალური მონაცემების დაცვას და კრიპტოვალუტის პლატფორმებისა და ციფრული საფულეების მონიტორინგს უზრუნველყოფს.

დუბაიისთვის ეს ნაბიჯი სამთავრობო პროგრამის ნაწილი იყო, რომელიც ქვეყანაში კრიპტოვალუტის უმსხვილესი კომპანიების მოზიდვას ითვალისწინებდა.

არაბთა გაერთიანებული საამიროები მზად არის ვირტუალური აქტივების სერვისის პროვაიდერებისთვის ფედერალური ლიცენზიები 2022 წლის პირველი კვარტალის ბოლომდე გასცეს .

Chainalysis-ის მიხედვით, 2020 წლის ივლისი – 2021 წლის ივნისის პერიოდში, არაბეთის გაერთიანებული საემიროები 26 მილიარდი დოლარის ტრანზაქციების მოცულობით, თურქეთისა და ლიბანის შემდეგ ახლო აღმოსავლეთში მესამე უდიდესი კრიპტოვალუტის ბაზარი გახდა.