Binance-დან ერთ დღეში რეკორდული 916 მილიონი დოლარი გაიტანეს
ანალიტიკური პლატფორმა Dune-ის მონაცემებით, ბოლო 24 საათის განმავლობაში, უმსხვილესი კრიპტო ბირჟა Binance-დან თანხების გადინებამ 916 მილიონი დოლარი შეადგინა.
თანხების გადინება ნიუ-იორკის სახელმწიფო ფინანსური სერვისების დეპარტამენტის (NYDFS) მოთხოვნების ფონზე მოხდა და 2022 წლის 24 ნოემბრის შემდეგ, როდესაც ბირჟიდან 1 მილიარდი დოლარის ღირებულების აქტივები იქნა ამოღებული, ყველაზე მასშტაბური გამოდგა. დეპარტამენტი Binance-ისგან სტეიბლკოინ Binance USD-ს გამოშვების შეწყვეტას მოითხოვს. 24 საათის განმავლობაში, BUSD-ის კაპიტალიზაცია 400 მილიონი დოლარით შემცირდა.
CoinGecko-ს მონაცემებით, 14 თებერვლის მდგომარეობით Binance USD (BUSD) სტეიბლკოინებს შორის მესამე ადგილზეა. ორშაბათს, 13 თებერვალს, NYDFS-მა უსაფრთხოების სტანდარტების დარღვევის გამო Paxos Trust-ს ახალი BUSD-ის გამოშვების შეწყვეტა მოსთხოვა.
საპასუხოდ, Paxos Trust-მა ორშაბათს საღამოს განაცხადა, რომ იგი დეპარტამენტის მიერ BUSD-ის ფასიან ქაღალდად გამოცხადებას „კატეგორიულად არ ეთანხმება”.
Bloomberg-ის ცნობით, Paxos-Binance-ის სტეიბლკონების ემისიაზე აკრძალვის დაწესებამდე რამდენიმე თვით ადრე, Circle-მა კონკურენტის წინააღმდეგ საჩივარი მარეგულირებელ ორგანოში შეიტანა.
მანამდე, ნიუ-იორკის ფედერალურმა სარეზერვო ბანკმა (FRB) გამოაქვეყნა კვლევა სახელწოდებით „ციფრული აქტივების გავლენა ფინანსურ სტაბილურობაზე“.
კვლევის თანახმად, სტეიბლკოინების პოპულარობა ზრდის რისკებს და ფინანსური სისტემისთვის საფრთხეს წარმოადგენს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)