Binance ილონ მასკს ბოტებთან ბრძოლაში დაეხმარება
კრიპტოვალუტის ბირჟა Binance შექმნის განყოფილებას, რომელიც ბლოკჩეინის ტექნოლოგიის გამოყენებით სოციალურ ქსელ Twitter-ს ბოტების ექაუნთებთან ბრძოლაში დაეხმარება.
Binance-ის წარმომადგენლის მედიასთან გაკეთებული განცხადების თანახმად, ბირჟამ ექსპერტთა გუნდი შეკრიბა, რომელიც ფოკუსირებას იმაზე მოახდენს, თუ რა სარგებლის მომტანი შეიძლება იყოს Twitter-ისთვის ბლოკჩეინი და კრიპტო აქტივები.
„გუნდი ილონ მასკთან აქტიურად თანამშრომლობს. განიხილავს სტრატეგიის შესაძლო ვარიანტებს, რომლებიც Twitter-ის ახალ მფლობელს თავისი ხედვის რეალიზებაში დაეხმარება.“- თქვა Binance-ის წარმომადგენელმა.
იმის შესახებ, რომ ილონ მასკის მიერ Twitter-ის შეძენას დაუჭერს მხარს, Binance-მა პირველად მიმდინარე წლის მაისში განაცხადა.
„მოხარულები ვართ, რომ შესაძლებლობა გვაქვს ილონს Twitter-ის ახალი ხედვის განხორციელებაში დავეხმაროთ. ვცდილობთ ბლოკჩეინისა და კრიპტოვალუტების გავრცელებისა და დანერგვის, მათი უფრო ფართოდ გამოყენების ხელშეწყობისთვის სოციალური ქსელებისა და Web3-ის გაერთიანებაში ჩვენი როლი შევასრულოთ.“ განაცხადა Binance-ის აღმასრულებელმა დირექტორმა ჩენპენ ჯაომ.
მასკი Twitter-ის აღმასრულებელი დირექტორის პოსტს დროებით დაიკავებს.
მოსალოდნელია, რომ მან ადრე პლატფორმაზე აკრძალული ანგარიშები აღადგინოს, მაგალითად, როგორიცა აშშ-ს ექს-პრეზიდენტის,
დონალდ ტრამპის ანგარიში, რომელიც Twitter-ზე 2021 წლის იანვარში აიკრძალა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)