Binance ინდოეთში ფუნქციონირებას განაახლებს
ხუთშაბათს, 15 აგვისტოს, მსოფლიოს უდიდესმა კრიპტოვალუტის სავაჭრო პლატფორმამ Binance კლიენტებს აცნობა, რომ შვიდთვიანი შესვენების შემდეგ ინდოეთში ფუნქციონირებას განაახლებს.
კრიპტო ბირჟის წარმომადგენლების განცხადებით, ინდოეთის ფინანსური დაზვერვის განყოფილებაში (FIU-IND) რეგისტრაციის პროცედურების წარმატებით დასრულების შემდეგ მისი ვებსაიტი და მობილური აპლიკაციები ადგილობრივი მომხმარებლებისთვის კვლავ ხელმისაწვდომი იქნება.
როგორც Binance აღნიშნავს, მისმა გუნდმა კრიპტო პლატფორმის საქმიანობის ინდოეთის მარეგულირებელი ორგანოების მოთხოვნებთან სრულ შესაბამისობაში მოყვანა მოახერხა.
„ნორმებთან შესაბამისობა საშუალებას გვაძლევს ჩვენი სერვისები ინდოელი მომხმარებლების საჭიროებებს მოვარგოთ და ინდური VDA ბაზრის სიცოცხლისუნარიანობა დავადასტუროთ.“ – განაცხადა Binance-ის აღმასრულებელმა დირექტორმა რიჩარდ ტენგმა.
მიუხედავად ინდოეთის პოტენციალისა საერთაშორისო კრიპტო კომპანიებისთვის გაფართოების ერთ-ერთი მთავარი მიმართულება გახდეს, ადგილობრივი ციფრული აქტივების ბაზარი ნაკლებად განვითარებულია, რაც ინდოეთის სარეზერვო ბანკის (RBI) ზეწოლის შედეგადაა გამოწვეული. სარეზერვო ბანკი ბანკირებს ვირტუალური სერვისების პროვაიდერებთან თანამშრომლობის ნებისმიერი ფორმისგან დისტანცირებისკენ მოუწოდებს.
ინდოეთის მთავრობის მკაცრი საგადასახადო პოლიტიკა განვითარების პერსპექტივებთან დაკავშირებით ციფრული აქტივების ეროვნული ბაზრის მონაწილეთა ენთუზიაზმს ამცირებს.
აგვისტოს დასაწყისში, Binance-ს საგადასახადო პრობლემები უკვე შეექმნა, როდესაც ინდოეთის ფისკალურმა ხელისუფლებამ გამოაცხადა, რომ კომპანიას ბიუჯეტში 722 მლნ რუპიის ($86 მილიონი) ოდენობის დავალიანება ჰქონდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)