Binance-ის დეპარტამენტს FBI-ის აგენტი უხელმძღვანელებს 

Binance.us-ის საგამოძიებო დეპარტამენტს FBI-ის სპეც. აგენტი უხელმძღვანელებს 

 უმსხვილესი კრიპტოვალუტის ბირჟის, Binance-ის ამერიკულმა განყოფილებამ ახალი საგამოძიებო ქვეგანყოფილება შექმნა.  მის ხელმძღვანელად FBI-ის ყოფილი სპეციალური აგენტი დაინიშნა.

 Binance.us-ის ვიცე-პრეზიდენტისა და იურიდიული სამსახურის ხელმძღვანელის, კრიშნა ჯუვადის (Krishna Juvvadi) განცხადებით საგამოძიებო დეპარტამენტს FBI-ის ყოფილი სპეციალური აგენტი ბი ჯეი კანგი (BJ Kang) უხელლმძღვანელებს, რომელსაც „საგამოძიებო ინფრასტრუქტურის“ შექმნა ევალება.

ის სამართალდამცავ ორგანოებთან, მარეგულირებელ სააგენტოებთან და ბირჟებთან იმუშავებს, რათა Binance.US პლატფორმაზე  ნებისმიერი უკანონო აქტივობა აღმოაჩინოს და აღმოფხვრას.

Binance-ის დეპარტამენტს FBI-ის აგენტი უხელმძღვანელებს

საინფორმაციო სააგენტო Reuters-მა ბი ჯეი კანგს უწოდა „ადამიანი, ვისიც უოლ-სტრიტზე ყველაზე მეტად ეშინიათ.“ FBI-ში მისი თითქმის 20 წლიანი მუშაობის განმავლობაში, კანგი ფასიანი ქაღალდების თაღლითობისა და ტრადიციული ფინანსებით ინსაიდერული ვაჭრობის გახმაურებული საქმეების გამოძიებით გახდა ცნობილი.

„კრიპტო ინდუსტრიასა და შესაბამის სამართალდამცავ უწყებებს შორის მჭიდრო კოორდინაცია, ბოროტმოქმედების იდენტიფიცირება და დასჯა აუცილებელია  და Binance.US-ის მიმართ ნდობის გასაზრდელად და მისი კრიპტო ეკოსისტემის მუდმივი ზრდის გასააქტიურებლად“- განაცხადა კანგმა.

გასული წლის განმავლობაში Binance.US-მა თანამშრომლების რაოდენობის 145%-ით გაზრდის მეშვეობით თავისი იურიდიული შესაძლებლობები მნიშვნელოვნად გააძლიერა.

ამასთან, კომპანიის თანამშრომლების 20%-ზე მეტი სამართლებრივ შესაბამისობასა და სარისკო ოპერაციებზეა კონცენტრირებული.

აგვისტოში Binance-ის ბირჟის აშშ-ს განყოფილებამ გამოაცხადა, რომ ნევადის შტატის ბიზნესისა და მრეწველობის დეპარტამენტისგან ფულადი გადარიცხვების განხორციელების ნებართვა მიიღო.