Binance-ის ტოპ მენეჯერმა აშშ-ის ქმედებები გააკრიტიკა

Binance-ის ტოპ მენეჯერმა აშშ-ის ქმედებები გააკრიტიკა

უმსხვილესი კრიპტო ბირჟა Binance-ის სტრატეგიის მთავარი ოფიცრის განცხადებით, კრიპტოვალუტის სფეროზე ზეწოლის გამო „ბიზნესის კეთება ძალიან რთული გახდა“.

მისი აზრით, ამ კუთხით შეშფოთებას იწვევს ასევე დიდი ბრიტანეთიც.

აშშ-ს ქმედებები „ბოლო ექვსი თვის განმავლობაში ძალიან დამაბნეველი იყო “- განაცხადა პატრიკ ჰილმანმა (Patrick Hillmann) Financial Times-ის კრიპტოვალუტებისა და ციფრული აქტივებისადმი მიძღვნილ სამიტზე.

ტოპ მენეჯერმა კონკურენტი ბირჟის, Coinbase-ის წინააღმდეგ ფასიან ქაღალდებთან დაკავშირებული კანონების სავარაუდო დარღვევებთან დაკავშირებით ფასიანი ქაღალდების და ბირჟების კომისიის (SEC) ქმედებები გააკრიტიკა.

ჰილმანის თქმით, Binance ყველაფერს გააკეთებს იმისათვის, რომ ბირჟამ დიდ ბრიტანეთში ფუნქციონირება შეძლოს.

ადრე Binance-ს კონფლიქტი შეექმნა გაერთიანებული სამეფოს ხელისუფლებასთან, რომლის განცხადებით, ბირჟის ძირითად საქმიანობაზე ინფორმაციის არარსებობის პირობებში, მისი საქმიანობის რეგულირება ვერ განხორციელდებოდა.

კომპანიას არ აქვს მუდმივი სათაო ოფისი და მომხმარებლებს მომსახურებას მთელი მსოფლიოს მასშტაბით სთავაზობს.

2021 წელს ქვეყნის ხელისუფლებამ კომპანია აიძულა დიდ ბრიტანეთში ყველა რეგულირებადი საქმიანობა შეეჩერებინა.

ხელისუფლებამ კომპანია აიძულა დიდ ბრიტანეთში ყველა რეგულირებადი საქმიანობა შეეჩერებინა.

მიუხედავად იმისა, რომ 2023 წელი Binance-ისთვის პოზიტიურად დაიწყო, ხოლო 2022 წლის შედეგებით ბირჟა 70%-ზე მეტი წილით ბაზრის აბსოლუტური ლიდერი გახდა,

მან  თავისი პოზიციის შენარჩუნება ვერ მოახერხა.

Binance-ის წილის შემცირებაში ყველაზე მნიშვნელოვანი როლი აშშ-ს ფინანსურმა მარეგულირებლებმა შეასრულეს.

ბირჟას პირველი დარტყმა ნიუ-იორკის ფინანსური სერვისების დეპარტამენტმა (NYDFS) მიაყენა, რომელმაც Binance-ის სტეიბლკოინის – BUSD-ის გამოშვების შეჩერების ბრძანება გასცა.

ვითარება კიდევ უფრო დაამძიმა აშშ-ს სასაქონლო ფიუჩერსების სავაჭრო კომისიის (CFTC) Binance-ისა და მისი აღმასრულებელი დირექტორის წინააღმდეგ ბრალდებებმა, ფედერალური კანონების შესაძლო შეუსრულებლობისა და  არარეგისტრირებული ციფრული აქტივების დერივატივების მართვის მიზეზით.

აპრილში, ფლორიდის სამხრეთ ოლქის სასამართლოში ფირმებისგან Moscowitz და Boies Schiller Flexner, Binance-ისა და მისი აღმასრულებელი დირექტორის წინააღმდეგ  სარჩელი ფასიანი ქაღალდებით არარეგისტრირებულ ვაჭრობაში და ასეთი სერვისების პოპულარიზაციაში მონაწილეობის ბრალდებით შევიდა.