Binance-ის ყოფილი ხელმძღვანელი თავისუფალია
მსოფლიოს უმსხვილესი კრიპტო ბირჟის Binance-ის თანადამფუძნებელი, ყოფილი აღმასრულებელი დირექტორი და მთავარი აქციონერი პატიმრობიდან გაათავისუფლეს.
ბიზნესმენი ხუთთვიან სასჯელს ბირჟის მხრიდან ფულის გათეთრებასთან ბრძოლის წესების შეუსრულებლობისთვის იხდიდა.
ჩენგპენგ ჯაოს (Changpeng Zhao) გათავისუფლების ოფიციალური თარიღი 29 სექტემბერი უნდა ყოფილიყო თუმცა, რადგან თარიღი შაბათ-კვირას დაემთხვა, ამერიკული ციხის წესების თანახმად, ის ორი დღით ადრე გაათავისუფლეს. გათავისუფლების დღიდან ჯაოს 60 მილიარდი დოლარის ქონებაზე წვდომა აღუდგა.
სასამართლო სხდომების მიმდინარეობისას ჯაომ ჟურნალისტებს მსოფლიოს მასშტაბით სოციალურად დაუცველი ბავშვებისთვის უფასო საგანმანათლებლო პლატფორმის შექმნის განზრახვის შესახებ განუცხადა.
ციფრული ფინანსების ინდუსტრიაში სამომავლო გეგმებთან დაკავშირებით საუბრისას Binance-ის ყოფილმა ხელმძღვანელმა სიფრთხილე გამოიჩინა.
მან ჟურნალისტებს განუცხადა, რომ ოჯახისა და ქველმოქმედების გარდა, მას შეუძლია ყურადღება კრიპტოვალუტის ინდუსტრიაში ზოგიერთი პროექტის განვითარებას შეერთებული შტატების ფარგლებს გარეთ, მაგალითად, აზიაში ან აფრიკაში მიაქციოს.
როდესაც ჯაოს გათავისუფლებაზე კომენტარის გაკეთება სთხოვეს, Binance-ის წარმომადგენლებმა განაცხადეს, რომ მთავარი აქციონერი მხოლოდ 47 წლისაა, რაც მრავალი ტოპ აღმასრულებლისთვის კარიერაში სასტარტო ასაკს წარმოადგენს. ამიტომ, მათი აზრით, Binance-ის თანადამფუძნებლის კრიპტო ბაზარზე გავლენა კიდევ მრავალი წლის განმავლობაში გაგრძელდება.
ცოტა ხნით ადრე, Binance-ის ამჟამინდელმა აღმასრულებელმა დირექტორმა, რიჩარდ ტენგმა (Richard Teng) დაადასტურა, რომ ჯაოს ბიზნესის მართვის უფლება სამუდამოდ ჩამოერთვა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)