Binance-ის ყოფილი CEO-ს ქონება 25 მილიარდით გაიზარდა

Binance-ის ყოფილი CEO-ს ქონება 25 მილიარდით გაიზარდა

Bloomberg Billionaires Index-ის ცნობით, Binance-ის აღმასრულებელი დირექტორის პოსტის დატოვებისა და შეერთებულ შტატებში სისხლისსამართლებრივი დევნის მიუხედავად, ჩენპენ ჯაოს ქონება 2023 წელს 25 მილიარდი დოლარით გაიზარდა და 37,2 მილიარდი დოლარი შეადგინა.

დეკემბერში კრიპტოვალუტის ბირჟამ Binance და ჩენპენ ჯაომ (Changpeng Zhao) ამერიკელ სამართალდამცავ ორგანოებთან შეთანხმებას მიაღწიეს. პლატფორმა სასაქონლო ფიუჩერსების სავაჭრო კომისიას (CFTC) 2,7 მილიარდ დოლარს გადაუხდის, ჯაოს კი 150 მილიონი დოლარის ოდენობის ჯარიმის გადახდა მოუწევს.

ბირჟის ყოფილი აღმასრულებელი დირექტორი ფულის გათეთრებაში მონაწილეობასთან დაკავშირებით არის ეჭვმიტანილი.

თუმცა, კრიპტოვალუტის ბაზრისა და ვაჭრობის მოცულობის ზრდამ ჯაოს შესაძლებლობა მისცა თავისი კაპიტალი $25 მილიარდით გაეზარდა.

Bloomberg-ის მიხედვით, ჯაოს განკარგულებაში არსებული სახსრები ჯამში 37 მილიარდ დოლარს აჭარბებს, რის გამოც ის პლანეტის უმდიდრესი ადამიანების სიაში 35-ე ადგილს იკავებს.

მისი ქონების ძირითადი ნაწილი Binance-ის აქციების საკონტროლო პაკეტზე მოდის.

ამავდროულად, მის საფულეებში ბიტკოინები და BNB მონეტებიც ინახება, მაგრამ Bloomberg-ს ეს აქტივები ანგარიშისას არ გაუთვალისწინებია.

თუმცა ისიც უნდა აღინიშნოს, რომ ჯერ კიდევ 2022 წლის დასაწყისში ჯაოს ქონება 97 მილიარდ დოლარად იყო შეფასებული.

მიმდინარე წლის ივნისში კი მისი ქონება 50 მილიარდზე მეტს შეადგენდა.

მილიარდერების სიაში ასევე მოხვდნენ Coinbase-ის აღმასრულებელი დირექტორი ბრაიან არმსტრონგი (Brian Armstrong) 7,2 მილიარდი დოლარის კაპიტალით, Coinbase-ის თანადამფუძნებელი ფრედ ერსამი (Fred Ehrsam), რომლის ქონება 2,5 მილიარდ დოლარად არის შეფასებული და Digital Currency Group-ის დამფუძნებელი ბარი სილბერტი (Barry Silbert) 2 მილიარდი დოლარის კაპიტალით.

სიაში ასევე აღმოჩნდნენ ძმები – ტაილერი და კამერონ ვინკლვოსები (Tyler & Cameron Winklevoss), რომელთაგან თითოეული 2,7 მილიარდ დოლარს ფლობს. 25,9 მილიარდ დოლარს მიაღწია ბირჟა FTX-ის თანადამფუძნებლის სემ ბენკმენ-ფრიდის ქონებამ. მაგრამ, ახლა მან მთელი ფული დაკარგა.

ამ დროისთვის ჩენპენ ჯაო შეერთებულ შტატებს ვერ ტოვებს, რადგან ამერიკის ხელისუფლებას ეშინია, რომ ის მართლმსაჯულებას გაექცევა.