Binance-ის ხელმძღვანელმა მისი ქონების შესახებ ინფორმაცია უარყო
კრიპტოვალუტის ბირჟა Binance-ის აღმასრულებელი დირექტორი მედიის მიერ გავრცელებული ინფორმაციის უარყოფას შეეცადა, რომლის მიხედვითაც მისი კაპიტალი 28 მილიარდ დოლარს აჭარბებს. ბიზნესმენმა ამ ინფორმაციას არაზუსტი უწოდა.
გამომცემლობა Bloomberg-ის მონაცემებით, ჩენპენ ჯაო (Changpeng Zhao) მსოფლიოს სამ უმდიდრეს ადამიანთაგან ერთ-ერთია და მისი ქონება 28,2 მილიარდ დოლარს შეადგენს.
ამ ინფორმაციას ჯაო თავის ტვიტერზე გამოეხმაურა და დაწერა, რომ Bloomberg-ს მისი ფინანსების შესახებ ზუსტი მონაცემები არ აქვს.
„მოყვანილი ციფრები არასწორია. ამხელა თანხა მიახლოებითაც კი არ მაქვს. არ ვიცი, ამას რატომ აკეთებენ.“ – წერს ჯაო და თავის ტვიტს ოთხიანით იწყებს, რადგან Twitter-ზე ასე ყალბ ინფორმაციას აღნიშნავენ.
Binance-ის აღმასრულებელმა დირექტორმა დასძინა, რომ გაკოტრებულ ბირჟა FTX-ს კონკურენტად არასოდეს მიიჩნევდა.
მისი თქმით, Binance კრიპტოვალუტის სფეროში კარგად ჩამოყალიბებული ბიზნეს პროცესების მქონე პლატფორმებს მიესალმება.
ჯაომ გავლენიან გამოცემებში, მათ შორის, როგორიცაა Bloomberg და Forbes, გავრცელებული ინფორმაცია არაერთხელ უარყო.
გამოქვეყნებულ მასალას კი შიშის, გაურკვევლობის და ეჭვის გავრცელების მცდელობა უწოდა.
თებერვლის ბოლოს, Binance-ის ხელმძღვანელმა უარყო Forbes-ის ჟურნალისტების ეჭვები, რომ Binance „კულისებში“ მომხმარებელთა კუთვნილი 1,8 მილიარდი დოლარის გირაოს საშუალებით ტრანზაქციებს ახორციელებს.
გასულ წელს, ჯაომ ჟურნალ Bloomberg Businessweek-ს სტატიის გამოქვეყნებისთვის უჩივლა, რომელიც მისი თქმით, მკითხველში კომპანიის მიმართ სიძულვილს აღვივებდა და ჩრდილს აყენებდა მის რეპუტაციას.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)