Binance-ის CEO-ს ქონება 96 მილიარდ დოლარად შეფასდა
უმსხვილესი კრიპტოვალუტის ბირჟის Binance-ის აღმასრულებელი დირექტორის, ჩენპენ ჯაოს ქონების შეფასება გამომცემლობა Bloomberg-ის მიერ პირველად მოხდა. Bloomberg Billionaires Index-ის მიხედვით, ჯაოს ანგარიშებზე 96 მილიარდი დოლარია.
იმის გათვალისწინებით, რომ Bloomberg-ი ქონების შეფასებისას არ განიხილავს კრიპტოვალუტებს და მხოლოდ „რეალურ“ აქტივებს – საბანკო ანგარიშებზე არსებულ ფიატურ ფულს, უძრავ ქონებას, ფასიან ქაღალდებს და ა.შ. ითვალისწინებს, სავარაუდოდ ჩენპენ ჯაო (Changpeng Zhao) გაცილებით უფრო დიდ ქონებას ფლობს.
თავად ჯაოს განცხადებით, მის პორტფელში მხოლოდ ორი კრიპტოვალუტაა BTC და BNB.
მისი თქმით, ასეთი კონცენტრაციის პორტფელი განგებ არის შედგენილი – ჯაოს არ სურს რომელიმე მონეტის ფლობამ მის მიერ Binance-ის მართვის გადაწყვეტილებებზე ზეგავლენა იქონიოს.
უნდა აღინიშნოს, რომ გასული წლის განმავლობაში, BNB-ის კურსი 1300%-ით გაიზარდა.
მოცემულ მომენტში ჯაო Bloomberg-ის კრიპტოვალუტის მილიარდერების რეიტინგში ლიდერობს.
მეორე ადგილზეა ბიტკოინის ანონიმური შემქმნელი Satoshi Nakamoto – მის შემთხვევაში ანალიტიკოსებმა წესს გადაუხვიეს და რეალურ აქტივებთან ერთად მის მფლობელობაში მყოფი 1.1 მილიონი ბიტკოინიც მიათვალეს.
მესამე ადგილზე 15,4 მილიარდი დოლარით FTX-ის აღმასრულებელი დირექტორი სემ ბენკმენ-ფრაიდია.
ჯაოს ფინანსური აღმავლობა 2013 წელს დაიწყო. ის პოკერს ბობი ლისთან (Bobby Lee), რომელმაც მოგვიანებით ბირჟა
BTC China დააარსა და ინვესტორ რონ კაოსთან (Ron Cao) ერთად თამაშობდა. მათ დაარწმუნეს ჯაო თავისი ქონების 10%-ის ბიტკოინში ინვესტირება მოეხდინა. ჯაომ ეს საკითხი შეისწავლა და საბოლოოდ პირველ კრიპტოვალუტაში ინვესტირებისთვის ბინა გაყიდა.
2017 წელს დაარსდა ბირჟა Binance , რომელმაც პოპულარობა სწრაფად მოიპოვა და მსოფლიოში ყველაზე დიდი კრიპტოვალუტის ბირჟა გახდა.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)