Binance კრიპტო ინდუსტრიის აღდსადგენად ფონდს შექმნის
უმსხვილესი კრიპტოვალუტის ბირჟა Binance-ის აღმასრულებელი დირექტორის ჩენპენ ჯაოს განცხადებით პლატფორმა ინდუსტრიის აღდგენის ფონდს აამოქმედებს, რომელიც პრობლემურ კომპანიებს დახმარებას გაუწევს.
როგორც ჩენპენ ჯაომ (Changpeng Zhao) ტვიტერში დაწერა, ახალი ფონდიდან თანხები იმ კრიპტო ფირმებისთვის გამოიყოფა, რომლებიც ლიკვიდობის დეფიციტს განიცდიან. ფონდის შევსებაში მონაწილეობის მისაღებად მან ასევე ვენჩურული კომპანიები და კრიპტოვალუტის ინვესტორები მოიწვია.
„FTX-ის გაკოტრებით გამოწვეული კასკადური უარყოფითი ეფექტის შესამცირებლად, Binance ინდუსტრიის აღდგენის ფონდს აყალიბებს, რათა დაეხმაროს ისეთ პროექტებს, რომლებსაც ძლიერი საფუძველი აქვთ, მაგრამ ლიკვიდობის დეფიციტს განიცდიან. დეტალები მოგვიანებით გასაჯაროვდება.“ – წერს Binance-ის ხელმძღვანელი.
ჯაომ ასევე ხაზგასმით აღნიშნა, რომ ლიკვიდობის ნაკლებობის მქონე პროექტებს უკვე შეუძლიათ ბირჟის ვენჩურულ ქვეგანყოფილებას Binance Labs-ს მიმართონ.
ამ ეტაპზე ფონდთან დაკავშირებული ბევრი დეტალი უცნობია, მათ შორის ფონდის სავარაუდო მოცულობაც.
ჩენპენ ჯაოს ვარაუდით, FTX-ის გაკოტრების შემდეგ კრიპტოვალუტის ინდუსტრიას შესაძლოა კომპანიების კასკადური ლიკვიდაცია დაემუქროს.
მან მიმდინარე კრიზისი 2008 წლის გლობალურ ფინანსურ კრიზისს შეადარა, რომელიც საინვესტიციო ბანკ Lehman Brothers-ის გაკოტრების შემდეგ დაიწყო.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)