Binance-მა დამფუძნებლის ფირმას 400 მილიონი გადაურიცხა

Binance-მა დამფუძნებლის ფირმას 400 მილიონი გადაურიცხა

სააგენტო Reuters: Binance-მა ჩენპენ ჯაოს პირადი ფირმის ანგარიშზე 400 მილიონი დოლარი გადარიცხა.

Reuters-ის ცნობით, უმსხვილეს კრიპტო ბირჟა Binance-ს, Binance US-ის დამოუკიდებელი ამერიკელი პარტნიორის, ბანკ Silvergate-ის საიდუმლო ანგარიშზე წვდომა ჰქონდა.

Binance US-ის ანგარიშიდან Binance-ი დიდ თანხებს კომპანია Merit Peak-ს ურიცხავდა, რომელის ხელმძღვანელიც Binance-ის აღმასრულებელი დირექტორი ჩენპენ ჯაო (Changpeng Zhao) იყო. სააგენტოს ცნობით, ეს როგორც საბანკო ჩანაწერების ისე  კომპანიის შიდა კომუნიკაციებშიის მიხედვით დასტურდება.

ჩანაწერების მიხედვით, Binance.US-ის ანგარიში  BAM Trading-ის სახელზე იყო დარეგისტრირებული. კომპანიის ანგარიშების მიხედვით კი  Merit Peak-ზე გადარიცხვები 2020 წლის ბოლოს დაიწყო. Reuters-ის ჟურნალისტებმა ფულის გადარიცხვის მიზეზი ვერ დაადგინეს.

დეკემბერში გავრცელდა ინფორმაცია, რომ აშშ-ს იუსტიციის დეპარტამენტი კანონმდებლობისა და სანქციების შესაძლო შეუსრულებლობის საბაბით Binance-სთან დაკავშირებულ გამოძიებას ჯერ კიდევ 2018 წლიდან აწარმოებს. Binance-მა ეს ინფორმაცია საჯაროდ უარყო და საინფორმაციო საშუალებები თავდასხმაში დაადანაშაულა.

ჯაოს მტკიცებით, მედია საშუალებების მთელი რიგი FTX-ის დამფუძნებელ სემ ბანკმენ-ფრიდთან (Sam Bankman-Fried) Binance-ის შესახებ უარყოფითი ინფორმაციის გასავრცელებლად  თანამშრომლობდა.

თებერვალში Binance Holdings-ის სტრატეგიის მთავარმა ოფიცერმა პატრიკ ჰილმანმა (Patrick Hillmann) განაცხადა, რომ კომპანია გამოძიების დასასრულებლად ყველა აუცილებელი პირობის შესრულებასა და დარღვევების აღმოჩენის შემთხვევაში ყველა სავალდებულო ჯარიმის გადახდას აპირებს.