Binance-მა ჰამასის კრიპტო ანგარიშები დაბლოკა
ისრაელის სამართალდამცავმა ორგანოებმა, სამხედრო კონფლიქტის ესკალაციის ფონზე, კრიპტობირა Binance-ზე არსებული ჰამასის ანგარიშების ბლოკირებისა და აქტივების კონფისკაციის შესახებ გამოცხადეს.
ისრაელის პოლიციამ, კიბერდანაყოფ „ლაჰავ 433“ -თან, ისრაელის ტერორიზმის დაფინანსებასთან ბრძოლის ეროვნულ ბიუროსა (NBCTF) და კრიპტოვალუტის ბირჟა Binance-ის უსაფრთხოების სამსახურთან ერთობლივი მოქმედებით, ტერორისტულ ორგანიზაცია ჰამასთან დაკავშირებული კრიპტოვალუტის ანგარიშები დაბლოკა. ამ ანგარიშებს ორგანიზაცია სოციალური ქსელების მეშვეობით შემოწირულობების შესაგროვებლად იყენებდა.
„კონფლიქტის დაწყების დღიდან ჰამასმა სხვადასხვა სოციალურ ქსელში ფონდების მოზიდვის კამპანია წამოიწყო, რომელიც საზოგადოებას შემოწირულობების კრიპტოვალუტაში გაკეთებისკენ მოუწოდებდა. ისრაელის სადაზვერვო სამსახურებმა ამ ანგარიშების იდენტიფიცირება სწრაფად შეძლეს და Binance-ის დახმარებით მათი გაყინვა უზრუნველჰყვეს. ამოღებული თანხა სრულად გადაირიცხება ისრაელის სახელმწიფო ხაზინაში.“- ნათქვამია პოლიციის განცხადებაში.
ისრაელის პოლიცია და სადაზვერვო სამსახურები პირობას დებენ, რომ გამოავლენენ ყველა სხვა კრიპტოვალუტის ინფრასტრუქტურას, რომელსაც ჰამასის სამხედრო ფრთა თანხების მოსაზიდად იყენებს.
მანამდე ისრაელის მედიამ გაავრცელა ინფორმაცია ჰუმანიტარული კრიპტოვალუტის ფონდის, Crypto Aid Israel-ის ამოქმედების შესახებ, რომელიც სამხედრო ოპერაციების შედეგად დაზარალებული მოქალაქეების დახმარებას მოხმარდება.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)