Binance-მა GOPAX-ის საკონტროლო პაკეტი შეიძინა

Binance-მა GOPAX-ის საკონტროლო პაკეტი შეიძინა

Binance-მა სამხრეთ კორეული კრიპტო ბირჟა GOPAX-ის საკონტროლო პაკეტი შეიძინა.

კრიპტოვალუტის უდიდესი ბირჟა ორი წლის წინ დატოვებულ სამხრეთ კორეის კრიპტოვალუტის ბაზარზე დაბრუნდა. Binance-მა ადგილობრივი კრიპტო ბირჟა GOPAX-ის აქციების საკონტროლო პაკეტი შეიძინა.

გარიგება Binance Industry Recovery Initiative-ის მიერ დაფინანსდა. საინვესტიციო პროექტის ბიუჯეტმა  1 მილიარდი დოლარი შეადგინა.

სამხრეთ კორეის კრიპტოვალუტის ბაზარმა ალგორითმულ სტეიბლკოინ TerraUSD-ს ეკოსისტემის კოლაფსის გამო გასულ წელს სირთულეები განიცადა, რაც ბევრი ადგილობრივი ინვესტორის ფინანსური დანაკარგების მიზეზი გახდა.

ნოემბერში ბირჟა FTX-ის კოლაფსით ბაზარზე გამოწვეული პანიკისა და კაპიტალის მასობრივი გადინების გამო, GOPAX-მა ლიკვიდობის ნაკლებობა განიცადა.

იგი იძულებული გახდა GOPAX GoFi-ის პროდუქტებიდან თანხების გატანა ნაწილობრივ შეეჩერებინა .

GOPAX-ის მიერ შემოთავაზებული მომგებიანი პროდუქტის პარტნიორი გაკოტრებული კრიპტოკრედიტორი Genesis იყო.

მის სიდიდით მეორე აქციონერს კი ამერიკული კრიპტოკრედიტორის დედა კომპანია Digital Currency Group წარმოადგენდა.

GOPAX-მა  ფინანსური კრიზისიდან დამოუკიდებლად თავის დაღწევა ვერ შეძლო და კომპანიის წილის გაყიდვით  გარე თანადაფინანსების მოძიება დაიწყო.

Binance-ის წარმომადგენლების განცხადებით,  ბირჟა GOPAX-ის წილის შეძენა კაპიტალის ზემოქმედებით და საკუთარი აქტივების განკარგვის შესაძლებლობის აღდგენით კლიენტების მხარდაჭერის და მათი ნდობის მოპოვებას ემსახურება.

Binance-მა სამხრეთ კორეაში საქმიანობა  2021 წელს, დაბალი აქტივობისა და ტრანზაქციების არასაკმარისი მოცულობის მოტივით შეწყვიტა. თუმცა, 2022 წლის ბოლოს მან იაპონური Sakura Exchange BitCoin-ის შეძენით აზიაში სამოქმედო არეალი გააფართოვა.

GOPAX-სა და Binance-ს შორის შემდგარი გარიგება კრიპტო საზოგადოების მიერ კორეული კრიპტო და ბლოკჩეინის ინდუსტრიის აღდგენისკენ გადადგმულ ნაბიჯად განიხილება.