Binance საკუთარ ჩატბოტს აამოქმედებს
უმსხვილესმა კრიპტო ბირჟამ Binance ხელოვნური ინტელექტის ChatGPT-ის ბაზაზე საკუთარი ჩატბოტი Sensei აამოქმედა.
ბოტი Binance-ის საგანმანათლებლო პლატფორმის მეშვეობით კრიპტოვალუტების პოპულარიზაციისთვის იქნება გამოყენებული.
Sensei 1000-ზე მეტ წყაროსთანაა დაკავშირებული და მისი მისია იმ მომხმარებლების დახმარება იქნება, რომლებიც კრიპტოვალუტებთან დაკავშირებულ კითხვებზე პასუხებს ეძებენ.
„ჩატის ფანჯარაში საკვანძო სიტყვების ჩაწერის შემდეგ Binance Sensei ადვილად გასაგებ პასუხს მოგაწვდით, რომელიც Binance Academy-ის სტატიების, გაკვეთილებისა და ტერმინების ვრცელი კოლექციიდან, ან სხვა სანდო საჯარო წყაროებიდან იქნება მოპოვებული.“
Binance Sensei ChatGPT ტექნოლოგიას იყენებს, რომელიც ჩატბოტის შემქმნელების რწმენით, სწავლების მეთოდების ფართო სპექტრის გათვალისწინებით, რთულ საკითხებში გარკვევასა და ახალი კონცეფციების სწრაფად ათვისებას აადვილებს:
„ხელოვნურ ინტელექტზე დაფუძნებული Binance Sensei-ს შესაძლებლობები მას სრულყოფილ კომპანიონად აქცევს ყველასთვის, ვინც ბლოკჩეინისა და კრიპტოვალუტების სწრაფად განვითარებად სამყაროში ცოდნის გაღრმავებას ცდილობს.“
ცოტა ხნის წინ, Binance-მა რუსი მომხმარებლებისთვის საბანკო ბარათების გამოყენებით კრიპტოვალუტების ყიდვისა და გაყიდვის შესაძლებლობის აღდგენის შესახებ გამოაცხადა. ამასთან, კრიპტო ბირჟის გუნდის ინფორმაციით, რუსეთის მოქალაქე მომხმარებლები სპეციალური შეთავაზებით ისარგებლებენ, რაც რუსული რუბლის საბანკო ბარათზე, მათ შორის, რუსული ბანკების მიერ გაცემული Mir, Visa და Mastercard-ზე რუბლის გატანისთვის 0%-იან საკომისიოს გულისხმობს.
აპრილის დასაწყისში კი კრიპტო ბირჟამ ARB/RUB-ის ახალი სავაჭრო წყვილის დამატების შესახებ გამოაცხადა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)