Binance სპოტ ბაზარზე პირველობას კარგავს

Binance სპოტ ბაზარზე პირველობას კარგავს

სერვის Kaiko Research-ის თანახმად, ცენტრალიზებულ სავაჭრო პლატფორმებს შორის მსოფლიოში უმსხვილესი კრიპტო ბირჟა Binance-ის სამართლებრივი პრობლემების შედეგებმა სპოტ ბაზარზე მისი წილის 18%-ით შემცირება განაპირობა.

აშშ-ს მარეგულირებელთა რეპრესიულმა ქმედებებმა განაპირობა ის, რომ Binance-ის ინვესტორებმა ბირჟიდან კუთვნილი აქტივების მასობრივი გატანა დაიწყეს, ამბობენ Kaiko Research-ის ექსპერტები. ყველაზე მეტად სავაჭრო პლატფორმის ამერიკული წარმომადგენლობა Binance.US დაზარალდა.

„აშშ-ს სასაქონლო ფიუჩერსების სავაჭრო კომისიისა (CFTC) და ფასიანი ქაღალდებისა და ბირჟების კომისიის (SEC) სარჩელებმა Binance.US-ს სერიოზული ფინანსური და რეპუტაციული ზიანი მიაყენა, რამაც ლიკვიდობის მასიური გადინება გამოიწვია და აშშ-ს ბაზრის წილი თითქმის ნულამდე შეამცირა.“ – ამბობენ Kaiko Research-ის წარმომადგენლები.

ამ ფონზე, თითქმის 20%-ით დაეცა Binance-ის გლობალური ბაზრის წილიც.

მიმდინარე წლის იანვრის რეკორდულ 62.3%-იან მაჩვენებელთან შედარებით, ის ახლა დაახლოებით 43%-ს შეადგენს.

მარეგულირებელ ორგანოებთან სასამართლო დავის გამო, არსებული პრობლემების მიუხედავად, Kaiko-ს ექსპერტები ამბობენ, რომ მთლიანობაში, Binance-მა უარყოფითი ტენდენციების დაძლევა შეძლო.

იუსტიციის დეპარტამენტისთვის (DOJ) 4.3 მილიარდი აშშ დოლარის ნებაყოფლობითი გადახდა და სანაცვლოდ Binance.US-ისთვის აშშ-ში ოპერირების ნებართვის გაგრძელება პოზიტიურ მოვლენად განიხილება.

მანამდე Binance-ის თანადამფუძნებელმა ი ჰემ (Yi He) განაცხადა, რომ კომპანია სრულფასოვანი სათაო ოფისის გახსნას და დირექტორთა საბჭოს შექმნას აპირებს.