Binance-ს და FTX-ს შორის გარიგება ვერ შედგება

Binance-ს და FTX-ს შორის გარიგება ვერ შედგება

იურიდიული ექსპერტებს მიაჩნიათ, რომ ანტიმონოპოლიური კანონმდებლობის დარღვევის გამო ფედერალური მარეგულირებლები Binance-ის მიერ FTX-ის შეძენის გარიგების ბლოკირებას მოახდენენ.

ანტიმონოპოლიური ექსპერტის ტიბო შრეპელის თქმით „არ გაუკვირდება, თუ უახლოეს მომავალში Binance-ისა და FTX-ის წინააღმდეგ ანტიმონოპოლიური პროცესი დაიწყება.“

ექსპერტის განმარტებით, აშშ-ის მოქმედი კანონმდებლობით, პირდაპირ კონკურენტებს ერთმანეთის შთანთქმა ეკრძალებათ. 

შრეპელის მტკიცებით, ბირჟებს შორის გარიგება 1890 წლის შერმანის აქტის პირდაპირი დარღვევაა და როგორც შეთქმულება და უკანონო შეთანხმება განიხილება. 

შრეპელის მოსაზრებას ანტიმონოპოლიური იურიდიული ფირმა Kressin Law Group-ის ხელმძღვანელი ბრენდონ კრესინიც (Brandon Kressin) იზიარებს:

„FTX-ის შემთხვევა არის ქრესტომატიული ჰორიზონტალური შერწყმა, რომლის საწინააღმდეგოდაც როგორც აშშ-ს ისე მთელი მსოფლიოს ანტიმონოპოლიური კანონმდებლობაა მიმართული. ვფიქრობ, რომ ვერც კომპანიების შეერთებული შტატების ფარგლებს გარეთ რეგისტრაცია და ვერც გარიგებიდან FTX US-ის ამერიკული განყოფილების გარიდება ვერ დაიცავს ორ ბიზნესმენს მკაცრი ანტიმონოპოლიური კონტროლისგან.“

კრესინს სჯერა, რომ Binance-ისა და FTX-ის ერთობლივმა განცხადებამ დასაბამი მრავალთვიან სასამართლო პროცესს დაუდო, რომელიც პოტენციურად ფედერალური მარეგულირებლების მიერ გარიგების ბლოკირებას გამოიწვევს.

Binance-ის აღმასრულებელმა დირექტორმა ჩენპენ ჯაომ (Changpeng Zhao) და FTX-ის აღმასრულებელმა დირექტორმა სემ ბენკმენ-ფრიდმა (Sam Bankman-Fried)  კომპანიების გაერთიანების გადაწყვეტილების შესახებ სამშაბათს, 8 ნოემბერს განაცხადეს.

გარიგებამ ფინანსურ მრჩევლებს შორის მარეგულირებლების მხრიდან შესაძლო წინააღმდეგობის შესახებ კითხვები მაშინვე გააჩინა.