Binance-ს რუსეთის წინააღმდეგ სანქციების დარღვევისთვის ამოწმებენ
გამომცემლობა Bloomberg საკუთარ წყაროებზე დაყრდნობით იუწყება, რომ აშშ-ს იუსტიციის დეპარტამენტი ამოწმებს, გამოიყენეს თუ არა რუსეთის მოქალაქეებმა კრიპტო ბირჟა Binance სანქციების გვერდის ასავლელად.
გამოძიებას აშშ-ის იუსტიციის სამინისტროს ეროვნული უსაფრთხოების დეპარტამენტი აწარმოებს.
ამის შესახებ გამომცემლობას ერთდროულად ხუთმა წყარომ შეატყობინა, რომლებმაც ანონიმურად დარჩენა ისურვეს. სანქციების დარღვევის ფაქტზე გამოძიება კრიმინალური დეპარტამენტის გამოძიების პარალელურად მიმდინარეობს.
მანამდე გავრცელებული ინფორმაციით, Binance ირანის მოქალაქეების მიერ სანქციების გვერდის ავლის ხელშეწყობაში იყო ჩართული. ამ ბრალდებებზე საპასუხოდ, პლატფორმამ აშშ-ს იუსტიციის დეპარტამენტის წარმომადგენლებთან დისკუსიები და მოლაპარაკებები გაიმართა. როგორც ჩანს, აშშ-ს ხელისუფლებას მსოფლიოს უმსხვილეს კრიპტოვალუტის ბირჟაზე ზემოქმედების კიდევ ერთი ბერკრტი აღმოაჩნდა.
„2021 წელს მსოფლიო დონის გამოცდილი ხელმძღვანელების მოსაზიდად, Binance-მა კორპორატიული მართვის მეთოდების სრული რესტრუქტურიზაცია დაიწყო. ჩვენი პოლიტიკა არის ნულოვანი ტოლერანტობა ორმაგი რეგისტრაციის, ანონიმური მომხმარებლებისა და ფულის ფარული წყაროების მიმართ“ – ნათქვამია პლატფორმის განცხადებაში.
გასათვალისწინებელია, რომ თუ აშშ-ის ხელისუფლება Binance-ის წინააღმდეგ რაიმე ზომებს მიიღებს, ამან შესაძლოა გავლენა მთელ კრიპტოვალუტის ინდუსტრიაზე მოახდიონოს.
ამ დროისთვის ბირჟაზე სპოტ ბაზრის კრიპტო ტრანზაქციების ნახევარზე მეტი და ფიუჩერსების ბაზრის 60%-ზე მეტი ხორციელდება.
გასულ წელს ვრცელდებოდა ინფორმაცია, რომ აშშ-ს იუსტიციის დეპარტამენტი წელიწადზე მეტი ხნის განმავლობაში ბირჟის დამფუძნებლის, ჩენპენ ჯაოს (Changpeng Zhao) საქმიანობას იძიებდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)