Binance უკრაინული გრივნის კონვერტაციით ბარათს გამოუშვებს

Binance უკრაინული გრივნის კონვერტაციით ბარათს გამოუშვებს

Binance-ის უკრაინის განყოფილების ხელმძღვანელის, კირილ ხომიაკოვის განცხადებით, მისი გუნდი კრიპტოვალუტის გადახდის ბარათის გამოშვებაზე მუშაობს.

ხომიაკოვის თქმით,  ბარათი მფლობელს საშუალებას მისცემს ბალანსზე არსებული კრიპტოვალუტების უკრაინულ გრივნაში ავტომატური კონვერტირების მეშვეობით ქვეყნის მასშტაბით ნებისმიერ სავაჭრო წერტილში კრიპტოვალუტით გადაიხადოს. როგორც Binance Ukraine-ის გენერალურმა მენეჯერმა აღნიშნა, პროექტის განხორციელება უკრაინელ პარტნიორებთან ერთად მოხდება. თუმცა, პარტნიორების ვინაობა არ დაუკონკრეტებია. უცნობია ბარათის გამოსვლის თარიღიც.

გადახდის ბარათის გარდა, ხომიაკოვმა უკრაინული ფან-ტოკენის გამოშვებაც დააანონსა. ბირჟის წარმომადგენლობითი ოფისის ხელმძღვანელის თქმით, ქვეყანაში  საკოლექციო ტოკენების ბაზარი სწრაფად ვითარდება. NFT ვაჭრობის უდიდესი ბაზრით უკრაინა ლიდერთა სამეულში შედის.

თუმცა, ციფრული ფინანსური ინსტრუმენტების შექმნისა და უკონტაქტო გადახდების პროექტების განხორციელებას  უკრაინაში კრიპტოვალუტების რეგულირების საკანონმდებლო ბაზის არარსებობა უშლის ხელს.

„რეგულირება ინვესტიციების მოზიდვის საშუალებას იძლევა. ბევრი საერთაშორისო კომპანია ჩამოვა, ისინი განავითარებენ ადგილობრივ პროექტებს, იქნება მეტი სტარტაპი.“

ამასთან, Binance-ის უკრაინული განყოფილების ხელმძღვანელი სახელმწიფო კრიპტოვალუტის ამოქმედებას დადებითად აფასებს. მისი თქმით, ცენტრალური ბანკების ციფრულ ვალუტებს ფიატურ ვალუტაში უნაღდო და ნაღდი ანგარიშსწორების ჩაანაცვლება და ოფიციალური პირებისა და ბიზნესმენების სამუშაოს მნიშვნელოვანი ნაწილის ავტომატიზაცია შეუძლიათ.

კირილ ხომიაკოვი Binance Ukraine-ის გენერალური მენეჯერის თანამდებობაზე „უკრაინაში ბირჟის პოზიციების გასამყარებლად“გასულ კვირას დაინიშნა. 

უკრაინაში ამ დრომდე არ მიუღიათ შეთავაზებული კანონპროექტი „ვირტუალური აქტივების შესახებ“. პრეზიდენტმა ვოლოდიმირ ზელენსკიმ  კრიპტოვალუტის ბაზრის მარეგულირებელი ცალკე ორგანოს შექმნაზე უარი განაცხადა და პროექტი ხელახალი განხილვისთვის  უმაღლეს რადას დაუბრუნდა. მიუხედავად ამისა, ქვეყნის უდიდესი ბანკის, Taxombank-ის განცხადებით, 2022 წელს ის Stellar-ის ქსელში საჯარო მოხელეებისთვის ხელფასების გადასახდელად  ციფრული გრივნას ტესტირებას მოახდენს. საერთაშორისო კომპანია Prof-IT კი უკრაინაში ცენტრალური ბანკის მიერ რეგულირებადი პირველი კრიპტოვალუტის ბირჟის ამოქმედებას გეგმავს. 

წყარო: https://bits.media/