Binance ყაზახეთში ბლოკჩეინის საგანმანათლებლო პროგრამას განახორციელებს
ყაზახეთის ხელისუფლებამ მსოფლიოში უმსხვილეს კრიპტო ბირჟასთან ხელი მოაწერა მემორანდუმს, რომლის მიხედვითაც კომპანია ქვეყნის უნივერსიტეტებსა და კოლეჯებში ბლოკჩეინის დაწყებით კურსებს ჩაატარებს და სასწავლო დაწესებულებებს საგანმანათლებლო მასალებით უზრუნველყოფს.
Binance-ის მიზანია 2026 წლისთვის ქვეყნის მასშტაბით უნივერსიტეტებისა და კოლეჯების 40000-ზე მეტ სტუდენტს ბლოკჩეინი შეასწავლოს.
კრიპტო ბირჟა ყაზახეთის ეროვნული ბანკის (NBK) საგადასახადო და ფინანსური ტექნოლოგიების განვითარების ცენტრისა და საერთაშორისო ფინანსურ ცენტრ „ასტანას“ მიერ დაფუძნებულ კვლევით ლაბორატორია Blockchain Center-თან თანამშრომლობს.
Binance Kazakhstan-ის გენერალური დირექტორის ჟასლან მადიევის თქმით, კრიპტო ბირჟა ბლოკჩეინის ძირითადი კურსისთვის საგანმანათლებლო მასალებს და მხარდაჭერას შეთანხმების შესაბამისად უზრუნველყოფს.
„განათლების დონის ამაღლებისა და მთელი ქვეყნის მასშტაბით ბლოკჩეინის დანერგვის გარეშე შეუძლებელია ციფრული ტექნოლოგიების სფეროში ერთ-ერთი მთავარი მოთამაშე გახდე, რისკენაც ყაზახეთი ასე ისწრაფვის. ამიტომ, ჩვენ მზად ვართ მხარი დავუჭიროთ ამ ინიციატივას.“- განაცხადა აზიაში Binance-ის რეგიონულმა ხელმძღვანელმა გლებ კოსტარევმა.
გავრცელებული ინფორმაციით, ეს ინიციატივა მას შემდეგ გაჩნდა, რაც მაისში Binance-ის ხელმძღვანელი ჩენპენ ჯაო ქვეყნის პრეზიდენტ კასიმ-ჯომარტ ტოკაევს შეხვდა.
ოქტომბერში კი ჯაოს თმით, ის ყაზახეთის ეროვნული ბანკის წარმომადგენელს შეხვდა და დაარწმუნა, რომ ციფრული ტენგეს (CBDC) პროექტი BNB Chain-ზე დაეწყო.
გასულ კვირას ყაზახეთის ცენტრალურმა ბანკმა საკუთარი ციფრული ვალუტის დანერგვის საპილოტე პროექტის პირველი ეტაპის შედეგები გაასაჯაროვა.
კვლევის მიხედვით, ციფრული ვალუტის დანერგვა ქვეყნის ეკონომიკას არანაირ რისკს არ უქმნის.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)