Binance წლების განმავლობაში ჩინეთთან კავშირს მალავდა
Financial Times-ის ჟურნალისტებმა, მსოფლიოს უდიდესი კრიპტო ბირჟის ფარულ დოკუმენტაციაზე დაყრდნობით განაცხადეს, რომ Binance მრავალი წლის განმავლობაში ჩინეთთან თავის მჭიდრო ურთიერთობას მალავდა.
საგამოძიებო ანგარიშში, რომელიც ოთხშაბათს, 29 მარტს გამოქვეყნდა ნათქვამია, რომ 2017- 2018 წლებში ბირჟის საქმიანობის შესახებ გამოვლენილი ფაქტები ეწინააღმდეგება კომპანიის ინფორმაციას, თითქოს მან ჩინეთი მაშინვე დატოვა, როგორც კი ქვეყნის მთავრობამ ინდუსტრიის წინააღმდეგ მკაცრი ზომების გატარება დაიწყო.
Financial Times-ის თანახმად, Binance-ის ხელმძღვანელები, მათ შორის ბირჟის აღმასრულებელი დირექტორი ჩენპენ ჯაო (Changpeng Zhao),
თანამშრომლებს პირდაპირ მითითებებს აძლევდა თავიანთი კავშირები და ჩინეთში ყოფნა არ გაემხილათ.
გამოცემის თანახმად, 2017 წელს ჩინეთის მიერ მისი საქმიანობის აკრძალვის მიუხედავად,
კომპანიამ ზოგიერთი თანამშრომლისთვის ხელფასების გადასახდელად ჩინური ბანკები გამოიყენა და ასევე ინარჩუნებდა ოფისს, რომელიც, წინასწარი მონაცემებით, 2019 წლის ბოლომდე ფუნქციონირებდა.
Financial Times-ის ჟურნალისტებს დასტურად რამდენიმე დოკუმენტი მოჰყავთ, სადაც ბირჟის თანამშრომლებს ურჩევენ, თავიანთი ოფისების მისამართები არ გაასაჯაროვონ.
ასევე, იმ თანამშრომლებს, რომლებიც ხელფასს ჩინეთში იღებენ, სთხოვენ საგადასახადო ორგანოებს მიმართონ.
რეზონანსული სტატიის საპასუხოდ, Binance-მა განაცხადა, რომ ანონიმური წყაროები ინფორმაციას ამახინჯებენ და მათ საფუძველზე გამოტანილი დასკვნები „მოვლენების სუბიექტურ და არასწორ ინტერპრეტაციას ახდენს.“
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)