Binance 2000-მდე ახალი თანამშრომლის დაქირავებას გეგმავს

Binance 2000-მდე ახალი თანამშრომლის დაქირავებას გეგმავს

მაშინ, როცა სხვა კრიპტო ბირჟები ბაზრის არასტაბილური პირობების გამო  თანამშრომლებს ათავისუფლებენ, Binance მოსალოდნელი კრიპტოზამთრის თავისი პოზიციების გასაძლიერებლად გამოყენებას 

 გეგმავს.

ამის შესახებ Binance-ის აღმასრულებელმა დირექტორმა Consensus 2022-ის კონფერენციაზე გამოსვლისას განაცხადა და დასძინა, რომ კომპანია შტატის გაფართოვებას აპირებს.

Binance-მა ინჟინრებისთვის, მარკეტოლოგებისთვის და ბიზნესის განვითარების მენეჯერებისთვის 2000-ზე მეტი ვაკანსია გამოაქვეყნა.

ბირჟის თანადამფუძნებელმა ჰე იიმ (He Yi) აღნიშნა, რომ კრიპტო ინდუსტრია ჯერ კიდევ განვითარების საწყის ეტაპზეა და ეს ნიჭიერი ადამიანების მოსაზიდად შესანიშნავი დროა.

შეგახსენებთ, რომ ცოტა ხნის წინ, კრიპტო ბაზრის დაცემის ფონზე, ბირჟებმა Coinbase, Gemini და Crypto.com შემოსავლის შენარჩუნებისა და საქმიანობის ოპტიმიზაციის მიზნით თანამშრომლების რიცხვის შემცირების შესახებ გამოაცხადეს. პერსონალის შემცირებაზე განცხადება ასევე ლათინური ამერიკის არაერთმა მსხვილმა კომპანიამ გააკეთა.

მათ შორის არიან Bitso და Mercado Bitcoin, რომლებმაც პერსონალის 20% დაითხოვეს.

Binance არ არის ერთადერთი კომპანია, რომელიც მეტი თანამშრომლის დაქირავებას გეგმავს. FTX-ის აღმასრულებელი დირექტორის სემ ბანკმენ-ფრიდმის თქმით, ბირჟა წინსვლას გააგრძელებს და პერსონალის დაქირავებას არ შეწყვეტს. იგივე განაცხადა Polygon Studios-ის ხელმძღვანელმა რაიან უაიტმა (Ryan Wyatt)– კომპანია წელს პერსონალის 15%-ით გაზრდას გეგმავს.