Binance FDUSD-თან რამდენიმე წყვილში საკომისიოს აუქმებს
კრიპტო ბირჟა Binance-ის განცხადებით, ის ETH, XRP, DOGE და სხვა პოპულარული კრიპტოვალუტებისთვის, რომლებიც First Digital USD (FDUSD) სტეიბლკოინთან არის დაწყვილებული საკომისიოს განუსაზღვრელი ვადით აუქმებს.
„12.08.2023-დან Binance ჩამოთვლილი წყვილებისთვის ნულოვანი საკომისიოს პირობებში ვაჭრობას უზრუნველყოფს. ესენია: BNB/FDUSD, DOGE/FDUSD, ETH/FDUSD, LINK/FDUSD, SOL/FDUSD და XRP/FDUSD. შეთავაზება ძალაში შემდგომ გაფრთხილებამდე იქნება.“- ნათქვამია განცხადებაში.
კომპანიამ ასევე დაამატა, რომ მოცემულ სავაჭრო წყვილებზე როგორც გამცემის, ისე მიმღების შემთხვევაში, ნულოვანი საკომისიოს პირობებით სარგებლობა პლატფორმის უკლებლივ ყველა მომხმარებელს შეეძლება. აქციის დასრულების შემდეგ ბირჟა კვლავ სტანდარტულ სავაჭრო საკომისიოს დაუბრუნდება.
CoinGecko-ს მონაცემების თანახმად, FDUSD-ის ამჟამინდელი კაპიტალიზაცია 1.07 მილიარდ დოლარს შეადგენს, რითაც სხვა სტეიბლკოინებს შორის მეექვსე ადგილს იკავებს.
FDUSD ივნისში ჰონგ-კონგში დაფუძნებულმა კომპანია First Digital-მა აამოქმედა და ის Ethereum-ისა და Binance Smart Chain-ის ქსელებში იყო წარმოდგენილი. FDUSD-ის რეზერვები ფიატურ ფულსა და მის ექვივალენტებს მოიცავს, ხოლო თავად რეზერვები აზიის სხვადასხვა ფინანსურ ინსტიტუტებშია დეპონირებული.
მანამდე Binance-მა გამოაცხადა, რომ აშშ-ს ხელისუფლებასთან შეთანხმების ფონზე, ის საკუთარი სტეიბლკოინის – BUSD-ის დელისტინგს მოახდენს და მის მხარდაჭერას 15 დეკემბერს შეწყვეტს. აქტივების გამოსაყიდვა 2024 წლის თებერვლამდე იქნება შესაძლებელი, ხოლო BUSD-ის გატანა 31 დეკემბერს შეწყდება.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)