Binance Terra Classic-ის ტრანზაქციებს დაბეგრავს
მსოფლიოს უდიდესი კრიპტოვალუტის ბირჟა LUNC-ის ფასის გასაუმჯობესებლად ეტაპობრივად ტრანზაქციების დაბეგვრას შემოიღებს.
Binance-ის აღმასრულებელმა დირექტორმა ჩენპენ ჯაომ (Changpeng Zhao) Terra Classic-ის (LUNC) ტრანზაქციებზე 1.2%-ის ფიქსირებული გადასახადის შემოღების რეკომენდაცია გასცა.
„პლატფორმაზე LUNC-ის ტრანზაქციებიდან 1.2%-იანი გადასახადის გამოწერის ფუნქციას დავამატებთ. მაგრამ დაბეგვრას მხოლოდ მას შემდეგ დავიწყებთ, რაც LUNC-ის ინვესტორთა 25% ტოკენების დაწვას დაეთანხმება.“
მან დასძინა, რომ ყველა მომხმარებლისთვის სავალდებულო გადასახადს პლატფორმაზე მხოლოდ მას შემდეგ შემოიღებენ, რაც გამომწერი ტრეიდერების ტრანზაქციების მოცულობა ბირჟაზე LUNC-ის საერთო ტრანზაქციების 50%-ს გაუტოლდება. ჯაოს წინადადებამ LUNC-ის მომხმარებლები ორ ბანაკად დაყო.
მომხმარებელთა ნაწილმა მხარი Binance-ის აღმასრულებელი დირექტორის გადაწყვეტილებას დაუჭირა, ნაწილმა კი ის ბაზრის მანიპულირების ინსტრუმენტად აღიქვა.
მიუხედავად იმისა, რომ ჯაო LUNC-ის დაწვას უჭერს მხარს, მას მიაჩნია, რომ LUNC-ის ტრანზაქციებთან დაკავშირებული გადასახადის შემოღება მხოლოდ მომხმარებელთა კენჭისყრის შედეგად უნდა მოგვარდეს: „ჩვენ ვუსმენთ ჩვენს მომხმარებლებს და ვიცავთ მათ“. თუმცა, ჯაოს ესმის, რომ თუ დაბეგვრა ყველა კრიპტო ბირჟაზე და ბაზარზე არ განხორციელდა, Binance-ის მომხმარებლები LUNC-ის გადატანას სხვა კრიპტო ბირჟებზე ამჯობინებენ, სადაც ტოკენის დაწვა არ ხდება.
მაისში, კრიპტოვალუტის ბირჟამ Binance Terra 2.0 (LUNA) ინოვაციების ზონაში განათვსა, 31 მაისს კი სავაჭრო წყვილებისთვის LUNA/USDT და LUNA/BUSD ვაჭრობა აამოქმედა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)